توعىزىنشى مامىر جاقىنداپ قالدى عوي. ەندى سەپاراتيستەردىڭ سيمۆولى تۋرالى تاعى بىرەر اۋىز ءسوز ايتا كەتەيىك. حريستيانداردىڭ اۋليەسىنىڭ اتىمەن اتالعان گەورگي لەنتاسىن پاتشايىم ەكاتەرينا ەكىنشى تۇرىك پەن مۇسىلمان حالىقتارىنا قارسى سوعىس كەزىندە ارنايى شىعارىپ، قازاقستاندى جاۋلاپ العان اسكەرىن وسىنداي لەنتاسى بار ناگرادالارمەن ماراپاتتاعان.
ساۆەت وداعىندا گەورگي لەنتاسى دەگەندى بىلمەيتىن. كسرو-دا وسىعان ۇقساسىن “گۆارديالىق” لەنتا دەپ اتادى. ال، گەورگي لەنتاسى دەگەن الاباجاقتى ەكىنشىدۇنيەجۇزىلىك سوعىس كەزىندە گيتلەرگە جاقتاسىپ، كەيىن جەڭىلىپ قالعان رەسەيلىكتەر تاققان. 2005 جىلدان باستاپ، بيلىكتەگىلەرى بۇنى ماراپاتتاردىڭ اراسىنا قوسقانداردى قولداپ، جۇرت ونى كولىگى مەن كيىمىنە تاعا باستادى.
قازىر بۇل لەنتا ول جاقتا كرەملدىڭ ساياساتىنا قارسى ەمەس ەكەنىڭدى تۇسپالداۋدىڭ بەلگىسى بولىپ تابىلادى. 2014 جىلدان باستاپ وسى الاباجاق تاسپا ۋكراينادا بۇلىك شىعارعان سونداعى رەسەيشىل سەپاراتيستەردىڭ سيمۆولىنا اينالىپ كەتتى. ۋكراينانىڭ تۇتاستىعىن رەسمي تۇردە قولداعان قازاقستاندا بۇل لەنتانى جۇرتتىڭ جاقتىرمايتىنى سودان. بىراق، كەيبىر باۋىرلارىمىز بىلمەستىكپەن ونى ءۇيىنىڭ تورىنە شىعارىپ، كولىگىنە تاعىپ ءجۇر…
جولىمبەت ماكىشتىڭ facebook پاراقشاسىنان الىندى
پىكىر قالدىرۋ