قر باس پروكۋرورى اسحات داۋىلباەۆتىڭ
قر ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆتىڭ
قر ىشكى ىستەر ءمينيسترى قالمۇحامبەت قاسىموۆتىڭ
نازارىنا
كۇنى كەشە رەداكتسيامىزعا ساياساتتانۋشى ءازىمباي عالي حابارلاستى. ول: «الماتىدا گەورگي لەنتاسى ءالى دە ەش توسقاۋىلسىز تاراتىلىپ جاتىر. «التىن وردا» ساۋدا ورتالىعى جانىنداعى «Small» دۇكەنىنىڭ باسشىلىعى ءوز دۇكەندەرىن اتالمىش لەنتالارمەن بەزەندىرىپ قويىپتى. ال، الماتى قالالىق №132 مەكتەپ-گيمنازياسىنىڭ تومەنگى سىنىپ وقۋشىلارى دا كەۋدەلەرىنە گەورگي لەنتالارىن تاعىپ ءجۇر» دەپ حابارلادى.
ساياساتتانۋشىنىڭ ايتۋىنشا، الماتىدا جاسىرىن سەپاراتيستىك ۇيىمدار ءوز جۇمىسىن جالعاستىرىپ جاتىر ەكەن. ولارعا توسقاۋىل قويماساق، تۇبىمىزگە ابدەن جەتۋى مۇمكىن. سوندىقتان دا مەن ۇلتتىق قاۋىپسىزدىك كوميتەتىنىڭ توراعاسىنا، ىشكى ىستەر مينيسترىنە حات جولداعالى وتىرمىن دەيدى. مىسالى ءۇشىن №105 اۆتوبۋس جۇرگىزۋشىلەرى ماعان بىرەۋلەردىڭ تۇندە پارككە كەلىپ، گەورگي لەنتالارىن جاسىرىن تاعىپ جۇرگەندەرىن ايتتى. ءبىر جۇرگىزۋشىلەر ونى الىپ تاستاسا، بىرەۋلەرى ول ساپاراتيستىك لەنتانى اۆتوبۋستا ءىلۋلى كۇيىندە قالدىرا سالادى ەكەن». ەستەرىڭىزدە بولسا، مۇنداي ستسەناري شىعىس ۋكراينادا بولعان ەدى. سوندىقتان دا بۇل لەنتالاردىڭ تاراتىلۋىنا جول بەرمەۋىمىز كەرەك! ءازىمباي عالي بۇل سەپاراتيستىك ۇيىمداردى اشكەرەلەپ، باق ارقىلى حالىققا دۇرىس اقپارات جەتكىزۋىمىز كەرەك، ايتپەسە، ولار كۇننەن-كۇنگە كۇشەيىپ كەتۋى عاجاپ ەمەس دەپ وتىر. سوندىقتان دا ساياساتتانۋشى گەنەرالداردان وسى ماسەلەنىڭ انىق قانىعىن انىقتاۋدى سۇراپ وتىر.
qazaquni.kz
پىكىر قالدىرۋ