«شىعىس» وڭىرلىك قولباسشىلىعىنىڭ باسشىلىق قۇرامىنداعى وفيتسەرلەردىڭ باسىم كوپشىلىگى اتتەستاتسيانىڭ بارلىق كەزەڭدەرىنەن ءساتتى ءوتتى
kerey.kz
«شىعىس» وڭىرلىك قولباسشىلىعىنىڭ باسشىلىق قۇرامىنداعى وفيتسەرلەردىڭ باسىم كوپشىلىگى اتتەستاتسيانىڭ بارلىق كەزەڭدەرىنەن ءساتتى ءوتتى «شىعىس» وڭىرلىك قولباسشىلىعىنىڭ باسشىلىق قۇرامىنداعى وفيتسەرلەردىڭ 40%-استامى اتتەستاتسيانىڭ بارلىق كەزەڭدەرىنەن ءساتتى ءوتتى. اتالعان ءىس-شارانىڭ نەگىزى مىندەتتەرى – كاسىبي جانە ىسكەرلىك قاسيەتتەر تۇرعىسىنداعى سيپاتىن، ءار اسكەري قىزمەتشىنىڭ جاۋىنگەرلىك الەۋەتىن انىقتاۋ بولاتىن.
«بۇگىنگى كۇنگە دەيىن «شىعىس» وڭىرلىك قولباسشىلىعىنىڭ باسشىلىق قۇرامىنداعى وفيتسەرلەردىڭ 40 پايىزى اتتەستاتسيانى اياقتادى. بۇل قازاقستاندىق ارمياداعى وفيتسەرلەردىڭ ءبىلىم، شەبەرلىك جانە كاسىبي دەڭگەيىنىڭ ايتارلىقتاي جوعارى ەكەنىن بىلدىرەدى»، – دەدى «شىعىس» وڭىرلىك قولباسشىلىعى اسكەرلەرىنىڭ باسقارماسى كادرلار ءبولىمىنىڭ باستىعى پودپولكوۆنيك ميحايل پيچكارەۆ.
«شىعىس» وڭىرلىك قولباسشىلىعىندا 1 600 وفيتسەر سىناقتان وتەتىنىن ايتا كەتكەن ءجون. اتتەستاتسيا بىرنەشە كەزەڭدەر بويىنشا تاپسىراتىن ەمتيحانداردان تۇرادى. ءبىرىنشى كەزەكتە دەنە، اتىس، كاسىبي، ساپتىق دايارلىقتاردان سىناقتار تاپسىرىلادى. نەگىزگى باسشىلىق قۇجاتتارىنان، سونداي-اق باسقا دا اسكەري ءتارتىپ بويىنشا مىندەتتى پاندەردەن ءبىلىم دەڭگەيى تەكسەرىلەدى.
سودان كەيىن اسكەري پوليتسيا وكىلدەرى قازاقستاننىڭ سىبايلاس جەمقورلىققا قارسى زاڭناماسى بويىنشا ءبىلىمىن تەكسەرىپ، ال پسيحولوگتار ينتەلەكت، مىنەزدەگى ءوزىن-ءوزى ۇستاي ءبىلۋى مەن قوبالجۋ دەڭگەيىنە پسيحولوگيالىق تەستىلەۋ جۇرگىزەدى.
ەستەرىڭىزگە سالا كەتسەك، بيىلعى جىلى قارۋلى كۇشتەردەگى وفيتسەرلىك كورپۋستىڭ جوسپارلى اتتەستاتسياسى 2015 جىلدىڭ 12 قاڭتارىنان باستالىپ، 1 قاراشاعا دەيىن جالعاسادى. 2015 جىلدىڭ 12 قاڭتارى مەن 1 ماۋسىمى ارالىعىندا باتالوندار (ديۆيزيوندار), بولىمدەر كومانديرلەرى مەن ولاردىڭ ورىنباسارلارى لاۋازىمدارىندا اسكەري قىزمەت وتەپ جۇرگەن وفيتسەرلەر، سونداي-اق جەكە مىنەز-قۇلقى بويىنشا قىزمەتتە ايتارلىقتاي كەمشىلىكتەرى بار وفيتسەرلەر اتتەستاتسيادان وتەدى. ەكىنشى كەزەڭ 2015 جىلدىڭ 1 ماۋسىمى مەن 1 قاراشاسى ارالىعىندا قالعان وفيتسەرلىك قۇرام تولىق اتتەستاتسيادان وتەتىن بولادى.
قر قم باسپا ءسوز قىزمەتى
پىكىر قالدىرۋ