كيەۆ “رەسەيلىك اسكەريلەردى” تەرروريزممەن ايىپتاماق
ۋكراينا بيلىگى ەلدىڭ شىعىسىندا قولعا تۇسىرگەن “سەپاراتيستەر جاعىندا سوعىسقان ەكى رەسەي ساربازىنا” تەرروريزمگە قاتىستى ايىپ تاعۋعا دايىندالىپ جاتىر. ۋكراينا قاۋىپسىزدىك قىزمەتىنىڭ باسشىسى ۆالەنتين ناليۆايچەنكونىڭ مالىمدەۋىنشە، ەكى ساربازعا قارسى “تەرروريستىك ارەكەت جاسادى” جانە “تەرروريستىك سيپاتتاعى قىلمىس جاسادى” دەگەن ايىپتار تاعىلادى.
دونباسستا رەسەيشىل سەپاراتيستەرگە قارسى اسكەري قيمىلداردى “انتيتەرروريستىك وپەراتسيا” دەپ اتايتىن ۋكراينا بيلىگى رەسەيلىك ەكى اسكەر لۋگانسك وبلىسىنداعى ۇرىس ايماعىندا قولعا ءتۇستى دەپ حابارلاعان. ماسكەۋ كيەۆ، باتىس ەلدەرى مەن ناتو-نىڭ رەسەي سەپاراتيستەرگە قارۋ-جاراق پەن اسكەر جىبەرەدى دەگەن ايىپتاۋىن جوققا شىعارادى.
مامىردىڭ 17-سىندە ينتەرنەتتە ۆيدەو جاريالانىپ، وندا تۇتقىنعا الىنعانداردىڭ ءبىرى تەرگەۋ كەزىندە ءوزىن رەسەيدىڭ تولياتتي قالاسىنان كەلگەن رەسەي قارۋلى كۇشتەرىنىڭ سەرجانتىمىن دەپ تانىستىرادى.
ازاتتىق راديوسى
پىكىر قالدىرۋ