پوليتسەيلەر تالدىقورعانداعى قابانباي باتىردىڭ ەسكەرتكىشىنە ءمىنىپ العان بۇزاقىلاردى ۇستادى. بۇل تۋرالى قازاقستان جاڭالىقتارى حابارلايدى.
ەستەرىڭىزدە بولسا، ەكى جىگىتتىڭ باتىر ەسكەرتكىشىنە شىعىپ الىپ، قورلاعانى حالىقتىڭ اشۋىن كەلتىرگەن بولاتىن.

الەۋمەتتىك جەلىلەردە ۇلكەن شۋ تۋدىرعان ۆيدەوعا قاتىستى پوليتسيا ىزدەستىرۋ شارالارىن جۇرگىزىپ، الماتى وبلىسىنىڭ ەكى ازاماتىن ۇستادى.
ولاردىڭ ءبىرى اقسۋ اۋدانىنىڭ ماتاي ستانتسياسىنان، ال ەكىنشىسى ىلە اۋدانىنىڭ بورالداي اۋىلىنان بولىپ شىقتى. ءبىر قىزىعى، اتالعان ۆيدەو وسىدان 4 جىل بۇرىن تۇسىرىلگەن ەكەن.
2011 جىلى دوستارىنىڭ ۇيلەنۋ تويىندا ابدەن ماس بولعان ەكى جىگىت بايقاماي ەسكەرتكىشكە شىعىپ العاندارىن ايتقان.
تالدىقورعان قالاسىنىڭ اكىمى ەرمەك الپىسوۆتىڭ باستاماسىمەن ۇستالعاندار قالالىق ارداگەرلەر كەڭەسى مۇشەلەرىمەن كەزدەستى. ولار بۇزاقىلاردىڭ بۇل قىلىعى مۇلدە ءجونسىز ەكەنىن ەسكەرتىپ، قابانباي باتىردىڭ ەسكەرتكىشىن قورلاۋ قازاقستاننىڭ تاريحىن سىيلاماۋمەن بىردەي ەكەنىن ايتقان.
وسى ورايدا، اقساقالدار بۇزاقىلاردىڭ جازاسىن جەڭىلدەتىپ، ولاردى قوعامدىق جۇمىسقا سالۋدى ۇسىنعان.
قازاقستان جاڭالىقتارى

nur.kz