الماتىدا ءولى كۇيىندە تابىلعان مۇسىرەپوۆ تەاترىنىڭ ارتىستەرى بىرنەشە اي بۇرىن اجىراسىپ كەتكەن
kerey.kz
عابيت مۇسىرەپوۆ اتىنداعى بالالار مەن جاسوسپىرىمدەر تەاترىندا بولعان جانتۇرگىشەرلىك وقيعاعا قاتىستى جاڭا دەرەكتەر شىقتى. بەلگىلى بولعانداي ەرلى-زايىپتىلار قايتىس بولعانعا دەيىن اجىراسىپ كەتكەن جانە بىرنەشە اي بويى ءبىر-بىرىنەن بولەك تۇرعان.
وسىعان دەيىن مۇحيتدين شىنتاەۆ پەن گاۋحار ءشارىپوۆانىڭ ارىپتەستەرى قاندى وقيعا ورىن الاتىنداي ەشقانداي سەبەپ بولماعىنىن، ولار ادەتتەگىدەي قالجىڭداسىپ، كوڭىلدى جانە باقىتتى جۇرگەندەرىن ايتقان ەدى. الايدا، پوليتسەيلەر ارتىستەردىڭ ولەر الدىنان بىرنەشە اي بۇرىن اجىراسىپ، بولەك تۇرعانىن انىقتاعان دەپ جازدى كاراۆان.
وقيعا بارىسىندا شىنتاەۆتىڭ دەنەسىنىڭ استىنان قانمەن بۇلعانعان ءاسۇي پىشاعى تابىلعان. اتالمىش پىشاق، بولجام بويىنشا قىلمىس كەزىندە پايدالانىلعان قارۋ بولۋى مۇمكىن.
سونىمەن قاتار، گريم جاسالاتىن بولمە ىشىنەن جابىق بولعان. تەرگەۋدىڭ نەگىزگى نۇسقاسى – كىسى ءولتىرۋ جانە ءوز-وزىنە قول سالۋ. قازىرگى ۋاقىتتا قاساقانا كىسى ءولتىرۋ ايعاعى بويىنشا قىلمىستىق ءىس قوزعالىپ، ءتورت ساراپتاۋ تاعايىندالدى.
تەاتردىڭ بۇرىنعى ديرەكتورى تالعات تەمەنوۆتىڭ ايتۋىنشا، جۇبايلار 2008 جىلى ەكەۋى دە باستى رولدە ويناعان “بۇلبۇلدى ءتۇن” دەپ اتالاتىن درامادا تانىسقان.
“ول وتە تالانتتى، جانە تاجىريبەلى اكتەر. ال جۇبايى شىنار وتە سۇلۋ، اقىلدى بولعان. تەاترعا جەتى جىل بۇرىن كەلگەن. ولار ءبىر-ءبىرىن ءسۇيدى سودان كەيىن ۇيلەندى. تەاترداعى كوپ ادامىنىڭ ءبىرى رەتىندە مەن دە ولاردىڭ تويلارىندا بولدىم. ولار ۇيلەنگەندە مەن ولارعا: “تەك مۇحيتتىڭ تۇبىنەن عانا گاۋھاردى تابۋعا بولادى دەپ ايتقامىن”، – دەپ ەسكە الدى تەمەنوۆ.
ارتىستەردىڭ ەكەۋى دە الماتىدان بولماعان سوڭ، ولار تەاتردىڭ جاتاقحاناسىندا تۇرعان.
“بۇل مەن ءۇشىن ۇلكەن كۇيزەلىس، بولعان وقيعاعا ءالى دە سەنە الار ەمەسپىن. ول گاۋھاردى قاتتى جاقسى كورگەن، ونسىز ءومىرىن مۇلدە ەلەستەتە المايتىن مەن ونى ناقتى بىلەتىنمىن، سەنىمدىمىن”، – دەيدى تەمەنوۆ.
جۇپتاردىڭ ارتىندا ەكى كىشكەنتاي قىزى قالدى.
ەكى ءارتىس تە مانسابىندا جاقسى كوتەرىلىپ كەلگەن، ولار تەاتر گاسترولىمەن ءارتۇرلى ەلدەرگە باراتىن. مۇحيتدين شىنتاەۆ سونداي-اق، كينولارعا ءتۇسىپ، “سەرپەر” سىيلىعىنىڭ لاۋرەاتى، “قازاقستان جاستار وداعىنىڭ”، “دارىن مەملەكەتتىك جاستار سىيلىعىنىڭ” لاۋرەاتتارى بولعان.
ەسكە سالا كەتسەك، 26 مامىر كۇنى عابيت مۇسىرەپوۆ اتىنداعى بالالار جانە جاسوسىپىرىمدەر تەاترىنىڭ گريم بولمەسىنەن ەرلى-زايىپتى ارتىستەردىڭ ءولى دەنەسى تابىلعان. جۇبايلاردىڭ ولىمىنە سەبەپ – ولاردىڭ اراسىندا تۋىنداعان جانجال دەگەن بولجام جاسالدى. مۇحيتدين شىنتاەۆ، بولجام بويىنشا ايەلىن پىشاقتاپ، سودان كەيىن وزىنە قول سالعان.
nur.kz
پىكىر قالدىرۋ