بۇۇ ۋكراينا شىعىسىنداعى قاقتىعىستاردان قازا تاپقاندار سانى 6 مىڭ 400 ادامنان اسقانىن حابارلادى. بۇل سانى ۇيىمنىڭ سوڭعى ەسەبى جاريالانعاننان بەرى 300 ادامعا ۇلعايعان-دەپ حابارلايدى اززاتتىق راديوسى.

بۇۇ ماۋسىمنىڭ 1-ىندە جاريالاعان ەسەبىندە اقپان ايىندا مينسكىدە قاقتىعىستى توقتاتۋ تۋرالى كەلىسىم جاسالعاننان كەيىن اتىستىڭ سايابىرسىعانىنا قاراماستان، 2014 جىلدىڭ ءساۋىر ايىنان بەرى قازا تاپقاندار سانى 6 مىڭ 417 ادامعا جەتكەن ايتادى.

مەرت بولعانداردىڭ 626-سى ايەل مەن قىزدار. ۋكراينا ۇكىمەتى اسكەرى مەن رەسەيشىل سەپاراتيستەر اراسىندا قاقتىعىس باستالعالى بەرى 15 مىڭ 962 ادام جارالانعان. ۇيىم ساراپشىلارى بۇل مالىمەتتەر بولجامعا سۇيەنىپ جاسالعانىن، قازا تاپقانداردىڭ ناقتى سانى “بۇدان الدەقايدا جوعارى بولۋى مۇمكىن” ەكەنىن ايتادى.

ۋكراينا شىعىسىنداعى قاقتىعىستاردان جالپى سانى 5 ميلليونعا تارتا ادام زارداپ شەككەن. ونىڭ ىشىندە اسكەري ءىس-قيمىلدار ءجۇرىپ جاتقان ايماقتاردان 1,2 ميلليون ادام تۇرىپ جاتقان جەرىن تاستاپ كەتۋگە ءماجبۇر بولعان.