كەزدەسۋدە ساراپشىلار ەكىجاقتى قارىم-قاتىناستاردىڭ ىنتىماقتاستىعى، ونىڭ ىشىندە قازاقستان مەن وزبەكستان اراسىنداعى عىلىمي-اكادەميالىق، ساراپشىلىق ءوزارا ىقپالداستىعىنىڭ قازىرگى جاعدايى جانە ونىڭ كەلەشەگى سياقتى ماسەلەلەرىن كەڭ اۋقىمدا تالقىلادى. حالىقارالىق جاعدايدىڭ جانە ايماقتىڭ كۇن تارتىبىندەگى ماسەلەلەر بويىنشا پىكىر الماستى. ەكى ەل مەملەكەتتىك ورگاندارى قازاقستان مەن وزبەكستان اراسىنداعى ساۋدا-ەكونوميكالىق ىنتىماقتاستىق، ورتالىق ازيادا تۇراقتىلىق پەن قاۋىپسىزدىكتى قامتاماسىز ەتۋگە قاتىستى ىسكە اسىرىلاتىن ءىس-شارالارى بويىنشا ءوزارا تالدامالىق باعالارىنا جانە باسقا دا بىرقاتار ماسەلەلەرىنە باستى نازار اۋدارىلدى.
قازاق پەن وزبەك ساراپشىلارى قازاقستان رەسپۋبليكاسى پرەزيدەنتى ن.ءا.نازارباەۆتىڭ 2013 جىلعى ماۋسىمداعى وزبەكستان رەسپۋبليكاسىنا ساپارى بارىسىندا قول قويىلعان ستراتەگيالىق سەرىكتەستىك تۋرالى شارتتىڭ ەرەجەلەرىن، سونداي-اق وزبەكستان رەسپۋبليكاسى پرەزيدەنتى ي.ا.كارىموۆتىڭ 2014 جىلعى قاراشاداعى قازاقستان رەسپۋبليكاسىنا رەسمي ساپارىنىڭ ناتيجەلەرىن تولىعىراق تالقىلادى. قازىرگى تاڭدا ەكى ەل اراسىنداعى بايلانىستار ستراتەگيالىق سەرىكتەستىك رۋحىنداعى وڭ ديناميكاسىنا قول جەتكىزىلگەنى، ال جاڭا ەكىجاقتى قۇجات قازاق-وزبەك قارىم-قاتىناستارىنىڭ نەگىزىن بەكىتتى دەپ اتاپ ءوتىلدى.
كەلىسسوزدەر بارىسىندا كوپجاقتى فورماتتاعى ىنتىماقتاستىقتىڭ ارقيلى اسپەكتىلەرى جونىندە، ونىڭ ىشىندە ەلدەردىڭ تمد، شىۇ، اوسشك ءوزارا ىقپالداستىعىنىڭ كەلەشەگى، سونداي-اق اۋعانستان پروبلەماسىن رەتتەۋ ماسەلەلەرى دە ءسوز بولدى. قازاقستان مەن وزبەكستاننىڭ وڭىرلىك قاۋىپسىزدىكتى قامتاماسىز ەتۋ بويىنشا كوكەيكەستى حالىقارالىق ماسەلەلەرگە قاتىستى ۇستانىمداردىڭ سارىنداستىعى اتاپ ءوتىلدى.
كەزدەسۋدىڭ ناتيجەسىندە قازاقستان رەسپۋبليكاسى پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين مەن وزبەكستان رەسپۋبليكاسى پرەزيدەنتى جانىنداعى ستراتەگيالىق جانە ايماق ارالىق زەرتتەۋلەر ينستيتۋتىنىڭ ديرەكتورى باتىر تۇرسىنوۆ ىنتىماقتاستىق جونىندەگى مەموراندۋمعا قول قويدى.