وسپان باتىر دەرەكتى-كوركەم ءفيلمىنىڭ تۇسىرىلۋىنە قىتايلار تاعى قارسى شىقتى.
kerey.kz
ولگەن وسپان باتىرعا ءتىرى قىتايلار تاعى قارسى شىقتى. الماتى تەلەارناسىنىڭ وسپان باتىر دەرەكتى-كوركەم ءفيلمىن تۇسىرەمىز دەپ باستاعان جۇمىسىنا قىتاي بيلىگى اشىق قارسىلىق تانىتىپ جاتىر. اپتانىڭ باسىندا قىتايدىڭ الماتىداعى باس كونسۋلى چجان ۆەي باستاعان ەكى ادام (ەكىنشىسى قىتاي ۇقك وكىلى) ارنامىزعا ارنايى كەلىپ، رەسمي پەكيننىڭ بۇل ءىستى توقتاتۋىن تالاپ ەتىپ جاتقانىن ايتقان ەدى. ارنا باسشىسى سەرگەي لەونيدوۆيچ ءفيلمنىڭ توقتامايتىنىن، جالعاساتىنىن جەتكىزگەن. التاي وعلانى وسپان باتىردىڭ سول كەزدەگى ۇستانىمىنان ءالى كۇنگە قورقاتىن قىتاي “وتىنىشتەرى” ورىندالماعان سوڭ، ءبىزدىڭ جوعارى جاقتاعى بيلىكتە وتىرعاندارعا شىعا باستادى. ال تاريحتى تۇگەندەپ، ولاردىڭ ەرلىگىنىڭ ەرتەڭگى ۇرپاققا ۇلگى ەكەنىن جوعارى قويعاننىڭ ورنىنا، قىتايدىڭ ءبىر اۋىز ەسكەرتپەسىنەن قورىققان قازاقتار ارنا باسشىسىنا تاعى قىتايلاردىڭ اتىنان ولاردىڭ تالابىن قابىل الۋدى ايتىپ شىعا باستادى. وداندا ناتيجە شىقپاعان سوڭ ەندى پەكين قازاقستاننىڭ ءسىم جۋىق ارادا ارنايى دوتاتسيا دايىنداپ جىبەرمەك. ءبىزدىڭ ىشكى ساياساتىمىزعا، قانداي فيلم تۇسىرەتىنىمىزگە دەيىن ارالاسا باستاعان قىتايلارعا قازاق بيلىگى توتەپ بەرەمە، الدە بىزگە “توقتاتىڭدار” دەپ بۇيىرا ما؟ جەكە قارجىعا ءتۇسىرىلۋى ءتيىس 3 سەريالدى ءفيلمنىڭ بولاشاعى قالاي بولار ەكەن؟ قالاي ويلايسىزدار كىم جەڭەدى؟ قىتاي ما، قازاق پا؟
ءامىربولات قۇسايىنۇلى
facebook پاراقشاسىنان الىندى
پىكىر قالدىرۋ