مۇستافا وزتۇرىك جايلى دەرەكتى فيلم جارىققا شىقتى
kerey.kz
قازاق توپىراعىنا تاەكۆوندو سپورتىن الا كەلگەن، التى الاشتىڭ ايبىنىنا اينالعان ايبوز ۇلى–مۇستافا وزتۇرىك تۋرالى «الاشتىڭ ايبوز ۇلى» اتتى دەرەكتى فيلم ءتۇسىرىلىپ، جۇرتشىلىققا ۇسىنىلدى. «كتك» ارناسى تاپسىرىسى نەگىزىندە دۇنيەگە كەلگەن تۋىندى ستامبۋل (تۇركيا), ميۋنحەن (گەرمانيا) جانە الماتى قالالارىندا تۇسىرىلگەن.
ەلىن الەمگە تانىتقان ازامات–مۇستافا وزتۇرىك كوزى تىرىسىندە-اق ءوز حالقىنىڭ نار تۇلعاسى ەكەنىن دالەلدەپ كەتتى. قازاق ەلىنە كەلىپ، تاەكۆوندو سپورتىنان بالالار مەن جاستارعا مەكتەپتەر اشىپ، ەلىمىزدىڭ وسى سپورت تۇرىنەن فەدەراتسياسىنىڭ نەگىزىن قالادى. بۇگىندە ەلىمىزدە ايگىلى سپورتشىنىڭ شاكىرتتەرىنىڭ ءوزى شاكىرت تاربيەلەپ، دۇنيەجۇزىلىك ماسشتابتا جەتىستىكتەرگە جەتىپ ءجۇر.
قازاقستاندا تاەكۆوندو فەدەراتسياسىنىڭ نەگىزىن قالاۋشى، سپورتتىڭ سايىپقىران ساڭىلاعى مۇستافا وزتۇرىك بيىل كوزى ءتىرى بولعاندا 60 جاسقا تولار ەدى. وكىنىشكە وراي، داڭقتى تۇلعاعا 23 قاراشا كۇنى مەرەيتويىن حالقىنىڭ ورتاسىندا تويلاۋ باقىتى بۇيىرماعان ەكەن. بۇگىن داڭقتى تۇلعانىڭ ءومىر جولىنا ارنالعان «الاشتىڭ ايبوز ۇلى» اتتى دەرەكتى فيلم جارىققا شىقتى. جوبا اۆتورى – ارمان شوراەۆ بولسا، رەجيسسەرى – مۇرات بەلگىباەۆ.
«نەگىزىنەن «كتك» ارناسى تاپسىرىسى نەگىزىندە ءتۇسىرىلدى. ءتۇسىرىلىم ستامبۋل، ميۋنحەن جانە الماتى قالالارىندا ءوتتى. ۆيزا ماسەلەسىمەن قوسا العاندا 45 كۇندەي ۋاقىت جۇمسالدى. تۋعان كۇنى قارساڭىندا بىتكەن بولاتىن. 60 جىلدىعىنا وراي ۇيىمداستىرىلعان كونتسەرتتە كورسەتىلۋى كەرەك ەدى. بىراق، ءانشى-بيشىلەردىڭ ونەر كورسەتۋى قورىتىندىسىندا ۋاقىت جەتىسپەي قالدى. ناتيجەسىندە بۇگىن عالامتور بەتتەرىندە جاريالاندى. بالا-شاعاسى، ستامبۋلداعى تۋىستارى، بارلىعى فيلمدە قامتىلدى. سونىمەن قاتار، دەرەكتى فيلمدە ەكسكليۋزيۆ بەينەباياندار بار. ولاردى تابۋ وڭاي بولعان جوق، ءبىراز ۋاقىت كەتتى«، — دەدى ستسەناري اۆتورى – راۋان وقاس.
ەندەشە جۋرناليست راۋان وقاستىڭ دايىنداعان «الاشتىڭ ايبوز ۇلى» دەرەكتى ءفيلمىن نازارلارىڭىزعا ۇسىنامىز.
baistars.kz
پىكىر قالدىرۋ