قازاقستاندا اسكەري وقۋ ورىندارىنا ءتۇسۋ ءراسىمى اناعۇرلىم جەڭىلدەتىلدى
kerey.kz
قازاقستاندا اسكەري وقۋ ورىندارىنا ءتۇسۋ ءراسىمى اناعۇرلىم جەڭىلدەتىلدى قابىلداۋدىڭ بارلىق قاعيدالارىنا قۇجاتتار رەسىمدەۋ بويىنشا وزگەرىستەر ەنگىزىلدى. اتاپ ايتقاندا، ارالىق ساتىلار قىسقارتىلىپ، كاسىبي ىرىكتەۋ كەزەڭدەرىنىڭ ادىلەتتىگى ارتتىرىلدى. ەندى اسكەري وقۋ ورىندارى وقىپ-ۇيرەنۋشىلەردىڭ اناعۇرلىم ساپالى كونتينگەنتىن ىرىكتەي الادى.
قابىلداۋ قاعيدالارىنا ەنگىزىلگەن جاڭاشىلدىق ماڭىزدى جانە ەلەۋلى بولىپ تابىلادى. «جاس ۇلاندى» قوسا ەسەپتەگەندە، بارلىق رەسپۋبليكالىق اسكەري مەكتەپ-ينتەرناتتارىنا قابىلداۋ جەرگىلىكتى اسكەري باسقارۋ ورگاندارىنان ءوتىپ بارىپ، 9-سىنىپتان كەيىن (10-سىنىپتان باستاپ) جۇزەگە اسىرىلادى. ەندى بايقاۋ ۇبت (تكت) تاپسىرۋ ناتيجەلەرى بويىنشا عانا ەمەس، كاسىبي ىرىكتەۋدىڭ بارلىق كەزەڭدەرىنەن ءوتۋ قورىتىندىسى بويىنشا ەسەپتەلىنەتىن رەيتينگتىك بالل ارقىلى جۇرگىزىلەتىن بولادى. ۇبت سەرتيفيكاتتارىندا تاڭداۋ بويىنشا پاندەردىڭ تۇرلەرى كوبەيەدى. اتاپ ايتساق، فيزيكا، حيميا، بيولوگيا، جاعرافيا، «اسكەري ءىس جانە قاۋىپسىزدىك» توبىنىڭ بارلىق ماماندىقتارىنا ارنالعان دۇنيەجۇزى تاريحى.
بۇدان وزگە، عىلىمي نەگىزدە كاسىبي-پسيحولوگيالىق ىرىكتەۋ ءۇشىن جاڭا تەستىلەر ازىرلەنەدى.
قر قارۋلى كۇشتەرىنىڭ قۇرىلۋ كەزىنەن باستاپ اسكەري كادرلاردى دايارلاۋ ماسەلەلەرىنە ۇلكەن كوڭىل بولىنەتىندىگىن ايتا كەتۋ قاجەت. قولدانىستاعى اسكەري وقۋ ورىندارى ءبىلىم بەرۋدىڭ بارلىق دەڭگەيلەرى مەن دارەجەلەرىن ۇسىنۋدا جانە سەرجانتتاردان باستاپ وفيتسەرلەرگە دەيىن اسكەري مامانداردى دايارلاۋدى قامتاماسىز ەتەدى. قويىلعان ماقساتتارعا قول جەتكىزۋ ءۇشىن، سونداي-اق قارۋلانعان كۇرەس قۇرالدارىنىڭ دامۋ ءۇردىسىن، اسكەرلەر مەن قارۋدى باسقارۋ، زاماناۋي ۇرىستار مەن قارۋلى جانجالداردا اقپاراتتتار ءرولىنىڭ ۇلعايۋىن ەسكەرە وتىرىپ، كادرلاردى دايارلاۋ جۇيەسى ۇدايى جەتىلدىرىلەدى.
قر ءسىم باسپا ءسوز قىزمەتى
پىكىر قالدىرۋ