قر قم ارنايى ماقساتتاعى بولىمشەلەرى: ءساتتى تۇسىرىلگەن سيۋجەت – بۇل دا ءبىزدىڭ قارۋىمىز
kerey.kz
بۇگىن قاراعاندى وبلىسىنا قاراستى «سپاسسك» وقۋ-جاتتىعۋ ورتالىعىندا «اسكەري ديسكۋرس» سەمينارى اياسىندا زاڭسىز باندقۇرالىمداردىڭ وكىلدەرى ورنالاسقان ەلدى مەكەندى تازارتۋ جۇرگىزىلدى. اتالعان جەردە كاماز جانە «روۆەر» اۆتوماشينالارىندا ارنايى ماقساتتاعى ەكى توپ جۇمىس ىستەدى. اسكەري قىزمەتشىلەرمەن بىرگە بۇل شارتتى وپەراتسياعا رەسپۋبليكالىق باق-تىڭ جەتەكشى جۋرناليستەرى مەن بلوگەرلەرى قاتىستى.
اۋىر بروندى كەۋدەشەلەر مەن كاسكالار كيىپ جانە وزدەرىنىڭ باستى قارۋىمەن ياعني، بەينەكامەرا جانە ميكروفوندارمەن قارۋلانعان وپەراتورلار مەن تىلشىلەر ناعىز جاۋىنگەرلەرمەن ىلەسىپ ەلدى مەكەندى تازارتۋعا قاتىستى.
ستسەناري بويىنشا ول جەرگە زاڭسىز باندقۇرالىمداردىڭ وكىلدەرى ورنىققان بولاتىن. اسكەريلەر مەن وپەراتورلار تاسالاردا ورنالاسقان لاڭكەستەردىڭ وقشاشارلاردان جاۋدىرعان وعىنا تاپ بولدى. تەحنيكانىڭ تاسالاۋىندا شابۋىل جالعاسىن تاپتى. ولار وزدەرىنىڭ قوزعالىستارىن تۇتىنمەنبۇركەمەلەپ، عيماراتقا بوراتىلعان وقتى تاسالانىپ شەگىندى. باق وكىلدەرىنىڭ الدىندا ماڭىزدى تاپسىرمانى ورىنداۋ ياعني، شىنايىعا جاقىنداتىلعان جاعدايلاردا ارنايى وپەراتسيالار كەزىندە وزدەرىنىڭ ءىس-قيمىلدارىن پىسىقتاۋدى ۇيرەنۋ قاجەت بولدى.
ارنايى ماقساتتاعى جاۋىنگەرلەردىڭ ايتۋىنشا شابۋىلداۋعا جانە وپەراتورلار بولىپ باراتىن جاۋىنگەرلەر اراسىنداعى ۇيلەسىمدىلىك ماڭىزدى. باق وكىلدەرى مىندەتتى تۇردە نۇسقامادانوتۋى ءتيىس، ولاردىڭ قاۋىپسىزدىگىنە جاۋاپ بەرەتىن جانە قالقالايتىن اسكەري قىزمەتشىلەر بەكىتىلەدى.
«كەيدە شابۋىل جۇرگىزگەن بولىمشەگە ەمەس، بەلگىلى ءبىر سيۋجەت پەن قانداي دا ءبىر سوزدەرگە كوپ نارسە تاۋەلدى. ءساتتى تۇسىرىلگەن سيۋجەت – بۇل دا ءبىزدىڭ قارۋىمىز»، – دەدى اسكەري قىزمەتشىلەر.
«ءبىز ميكروفوننىڭ باتارەيكالارىن، اياق كيىمدەرىمىزدى جوعالتتىق، سول ساتتە ەش نارسەنى ويلاۋعا شامامىز كەلمەدى. وسى پروتسەستىڭ ەلىكتىرگەنى سونشالىقتى ەڭ باستىسى اسكەريلەر ايتقان باعىتتى ۇستاپ، ايتقاندارىن ىستەۋ باستىسى بولدى. ەشقانداي ستەنداپتى جازۋعا مۇرشا بولعان جوق، سەبەبى، شىنداپ كەلگەندە بۇنىڭ بارلىعى «شوۋ» ەكەنىن تۇسىنسەك تە. بۇل جاعدايدا بار ويىمىز ءوز ءومىرىمىزدى ساقتاۋعا جۇمىس اتقاردى. الايدا، بۇل ۇلكەن تاجىريبە بولدى» – دەپ سەمينارعا قاتىسۋشى «حابار» تەلەارناسىنىڭ ءتىلشىسى رۋسلان ىدىرىسوۆ العان اسەرلەرىمەن ءبولىستى.
قر قم باسپا ءسوز قىزمەتى
پىكىر قالدىرۋ