الماتىدا ءبىر بولمەلەرى پاتەرلەردىڭ باعاسى سوڭعى بەس جىلدا العاش رەت كەنەتتەن ءتۇسىپ كەتىپ وتىر، – دەپ حابارلايدى “الماتى” تەلەارناسى.

ماۋسىمدا جىلجىمايتىن مۇلىكتى ساتۋ-ساتىپ الۋ مامىرعا قاراعاندا 20 پايىزعا ءوستى، مۇنداي جاعداي ەلدىڭ بارلىق اۋماعىندا بولدى، ونىڭ ىشىندە الماتى ەرەكشە كوزگە ءتۇستى. دەگەنمەن، ريەلتورلاردىڭ ايتۋىنشا، جاڭا جانە ەكىنشى دەڭگەيدى پاتەرلەردىڭ باعاسى وزگەرمەگەن. مۇنى ستاتيستيكادان دا بايقاۋعا بولادى. ساراپشىلاردىڭ ايتۋىنشا، ساتىپ الۋشىلاردىڭ كوبەيۋى يپوتەكالىق نەسيەنىڭ جاڭارۋىمەن بايلانىستى.

“ماۋسىمنان باستاپ بىرنەشە بانك يپوتەكا بەرە باستادى، سوندىقتان دا ساۋدا-ساتتىق كوبەيىپ وتىر. دەگەنمەن بۇل باعانىڭ وسەتىنىن بىلدىرمەيدى. مەنىڭ ويىمشا، ەگەر يپوتەكالىق نەسيە وسىلاي بەرىلە بەرسە، باعا وسى دەڭگەيدە قالۋ كەرەك”، – دەدى جىلجىمايتىن مۇلىك اگەنتتىگىنىڭ ديرەكتورى كوپتىلەۋ جالماحانوۆ.

سونىمەن قاتار، ءبىر بولمەلى پاتەرلەردىڭ قۇنى كەنەتتەن ءتۇسىپ كەتكەن. مىسالى مۇنداي پاتەردى اۋەزوۆ اۋدانىنان 42 مىڭ دوللارعا الۋعا بولادى. ريەلتورلار باعا ءالى دە تۇسەتىنىن ايتىپ وتىر. ەلىمىزدە جالعا بەرىلەتىن الەۋمەتتىك باسپانالار تاپشى.

“مەنىڭ ويىمشا، الداعى 2-3 جىلدا جىلجىمايتىن مۇلىكتىڭ قۇنى تاعى دا تۇسەدى. قازاقستاندا ەكونوم كلاستاعى باسپانالاردى سالۋ قولعا الىنباي جاتىر، كوبىنە حالىققا ارنالعان تۇرعىن ۇيلەر سالىنۋ ۇستىندە. ءبىزدىڭ ەكونوميكامىزعا اسەر ەتەتىن بىرنەشە فاكتور بار – ول مۇنايدىڭ باعاسىنىڭ تومەندەۋى، بيۋدجەتتىڭ ازايۋى، وسىعان سايكەس بيۋدجەتتىڭ بارلىق باعىتتا جۇمسالۋى”، – دەدى ەكونوميست ءۋاليحان تولەشەۆ.

temgirnews.kz