“تۇلپار-تالگو” پويىزدارىنا جاڭا جەڭىلدىكتەر جاريالاندى، – دەپ حابارلايدى Tengrinews.kz ءتىلشىسى “جولاۋشىلار تاسىمالى” اق ءباسپاسوز قىزمەتىنە سىلتەمە جاساپ.

ءباسپاسوز قىزمەتىنىڭ مالىمەتىنشە، 1 تامىزدان باستاپ كۇندىزگى كەستەمەن جۇرەتىن ء(بىر باعىتقا) مىنا پويىزداردىڭ بيلەتىنە 10 پايىز جەڭىلدىك ەنگىزىلەدى: №35 الماتى-شىمكەنت،; №49 الماتى-اقتوبە، №50 اقتوبە-الماتى، №78 اتىراۋ-الماتى جانە №90 قىزىلوردا-استانا.

سونىمەن قاتار، بارلىق “تۇلپار-تالگو” جولاۋشىلار پويىزدارىنىڭ (№25/26 الماتى-شىمكەنت پويىزىنان باسقا) جوعارعى ورىندارىنا 5 پايىز كولەمىندە جەڭىلدىكتەر قاراستىرىلعان.

“بۇل جەڭىلدىكتەر بۇعان دەيىن بەلگىلەنگەن جەڭىلدىكتەرگە، ياعني ءتاريفتى يكەمدى باسقارۋ مەن ديسكونتتىق كارتالارعا قوسىمشا ەنگىزىلىپ وتىر. سونداي-اق، 2015 جىلدىڭ 1 تامىزىنان باستاپ “قۇرمەت” (60 جاس پەن ودان ەرەسەك ادامدار ءۇشىن) جانە “جاستار” (16-25 جاس ارالىعىنداعى جاستار ءۇشىن) ديسكونتتىق كارتالارداعى قازىرگى 10 پايىز جەڭىلدىك 30 پايىزعا دەيىن كوبەيتىلەدى”، – دەلىنگەن حابارلامادا.

ايتا كەتەيىك، “ساياحاتشى” ديسكونتتى كارتاسى جۇردەك پويىزداردا سوڭعى 12 ايدا تومەندەگىدەي باعاعا ساپار شەككەن تۇراقتى جولاۋشىلارعا مىناداي جەڭىلدىكتەر بەرەدى: 100 000 تەڭگەدەن 150 000 تەڭگەگە دەيىن، جەڭىلدىك كولەمى – 10 پايىز; 150 001 تەڭگەدەن 200 000 تەڭگەگە دەيىن، جەڭىلدىك – 15 پايىز; 200 001 تەڭگەدەن جوعارى، جەڭىلدىك كولەمى – 20 پايىز.