ساراپشىلار الماتىنىڭ وليمپيادا وتكىزۋ قۇقىعىن يەلەنە الماي، بەيجىڭنەن جەڭىلىپ قالۋ سەبەپتەرىن ايتتى.

بۇل تۋرالى sport.zakon.kz-كە سىلتەمە جاساپ NUR.KZ حابارلايدى.

«قازىر بىردەڭە دەۋ قيىن. مەن كۋالا-لۋمپۋردە دەلەگاتسيا قۇرامىندامىن. مۇندا ءبارىنىڭ كوڭىل-كۇيى جوق. شىنى كەرەك، ۇلكەن جۇمىس اتقارىلدى، كوپتەگەن ادامدار ەڭبەك ەتتى، الماتى اكىمى دە، پرەمەر-مينيستر دە وسىندا. الايدا، سپورتتا ۇنەمى وسىلاي بولادى. جەڭىمپاز دا بىرەۋ، ءبىرىنشى ورىن دا جالقى. كەيدە ۇتاسىڭ، كەيدە ۇتىلاسىڭ. ەندى كەلەسى ءوتىنىمدى بەرۋ ءۇشىن جاقسىلاپ دايىندالۋ كەرەك»، – دەيدى 1994 جىلعى وليمپيادا چەمپيونى ۆلاديمير سميرنوۆ.

الايدا، قىتايدىڭ ۇتىپ كەتۋىنە اتالعان مەملەكەتتىڭ ەكونوميكاسى مەن يندۋسترياسى مىقتى، الەمدەگى كوشباسشى ەل بولۋى اسەر ەتتى.

«وليمپيادانى نەلىكتەن الماتى ەمەس، بەيجىڭ وتكىزەدى؟ ويتكەنى، وليمپيادا وتكىزۋ ءۇشىن كوپتەگەن فاكتورلار اسەر ەتەدى. ەكونوميكالىق-ساياسي جاعدايلار، سپورتتىق الەۋەت تە بار. ءبىزدىڭ تانىستىرىلىم وتە جوعارى دەڭگەيدە ءوتتى. الماتىدا وتسە، ويىنداردىڭ وتە ىڭعايلى جانە جيناقى بولاتىنى ايتىلدى. الايدا، قىتايدىڭ ۇتىپ كەتۋىنە اتالعان مەملەكەتتىڭ ەكونوميكاسى مەن يندۋسترياسى مىقتى، الەمدەگى كوشباسشى ەل بولۋى اسەر ەتتى. مىنە، قىتايدىڭ باسىمدىعى وسىندا. ال سپورتتىق تۇرعىدان ءبىز جاقسى كورىندىك. مۇنى الەمدىك ساراپشىلار دا اتاپ ءوتتى. قايتالاپ ايتامىن، الماتى بەيجىڭنەن الدەقايدا جوعارى بولدى. تەك بۇل جەردە قارجىلىق جاعداي كوپ نارسەنى شەشىپ كەتتى»، – دەيدى ول.

ال ۇلتتىق وليمپيادا كوميتەتىنىڭ ۆيتسە-پرەزيدەنتى پاۆەل نوۆيكوۆ تانىستىرىلىم كەزىندە بەيجىڭ الماتىعا قاراعاندا سەنىمدىرەك بولدى دەگەن پىكىردە.

«بۇل ماماندار شەشىمىنە اسەر ەتتى. قىتايلىقتاردىڭ قالا تۋرالى بەينروليگىن قاراعان سوڭ-اق، مەن ءبىزدىڭ ۇتىلاتىنىمىزدى ءبىلدىم. ارينە، شىعىننىڭ از كەتىپ، ويىننىڭ جيناقى ءوتۋى الماتىنىڭ ارتىقشىلىعى. بىراق مۇنداي ءىرى ويىنداردىڭ استاناسى تاڭدالعان كەزدە، شامامەن 22 فاكتور ەسەپكە الىنادى»، – دەيدى نوۆيكوۆ.

 قىتايلىقتاردىڭ قالا تۋرالى بەينروليگىن قاراعان سوڭ-اق، مەن ءبىزدىڭ ۇتىلاتىنىمىزدى ءبىلدىم.

وسى ارالىقتا پرەمەر-مينيستر كارىم ءماسىموۆ الماتىنىڭ بولاشاقتا تاعى دا جاڭا ءوتىنىم بەرۋى مۇمكىن ەكەنىن ايتتى.

«بۇل قايتادان ويىنداردى وتكىزۋگە ءوتىنىم بەرۋ ءۇشىن جاقسى تاجىريبە ءارى مۇمكىندىك بولدى”، – دەيدى ءماسىموۆ.