44 جاستاعى جاپوندىق بيزنەسمەن يوشيحيرو سۋزۋكيدىڭ الماتىدا سەلدەن ءبىر كۇن وتكەننەننەن كەيىن ۇرلانعان سومكەسى تابىلدى.

بۇل تۋرالى Today.kz-كە سىلتەمە جاساپ NUR.KZ حابارلايدى.

ونى ەكى الماتىلىق تۇرعىن باراحولكا ماڭىندا تاۋىپ الىپ، زاڭدى يەسىنە قايتارىپ بەرگەن. ونىڭ ىشىندە اقشا جوق بولعانىمەن، بارلىق قۇجاتتار، بانك كارتوچكالارى، پاسپورت ءوز ورنىندا ەكەن.

“ماعان كەشە (31 شىلدەدە) ساعات 16.26-دا مارال ەسىمدى بەيتانىس ايەل قوڭىراۋ شالىپ، يوشيحيرونىڭ سومكەسى تابىلعانىن ايتتى. ول ونى قۇربىسىمەن بىرگە باراحولكا ماڭىنان بەس كۇن بۇرىن تاۋىپ العان ەكەن. سودان بەرى ولار توكيو مەن گونكونگقا حابارلاسۋمەن بولعان. الايدا جاعدايدى ءتۇسىندىرىپ جەتكىزە الماعان. كەيىن سومكەدەن سۋزۋكي ەلىمىزگە كىرەردە تولتىرعان ميگراتسيالىق كارتوچكانى كورگەن. ول كارتوچكاداعى قابىلداۋشى تاراپ باعانىنا مەنىڭ مالىمتتەرىمدى تولتىرعان. الايدا تەلەفون نومەرىمدى تولتىرعاندا قاتە جىبەرىپ قويعان. تاۋىپ العاندار نومىرلەردى اۋىستىرىپ حابارلاسۋ ارقىلى اقىرى ماعان قوڭىراۋ شالا العان”، — دەيدى جاپوندىقتىڭ دوسى نيكولاي ماموشين.

يوشيحيرو سۋزۋكي بەي-جاي قالماي، قۇجاتتارىن قايتارىپ بەرگەن ايەلدەرگە شەكسىز العىسىن بىلدىرۋدە.

جاقىندا جاپوندىق قوناق الماتى ىشكى ساياسات باسقارماسىنىڭ باسشىسى سانجار بوقاەۆپەن كەزدەسكەن بولاتىن. ول سۋزۋكيگە قايتار جولىنا بيلەت الۋعا قول ۇشىن بەرۋگە ۋادە ەتىپ، قازاقستان ءداستۇرى مەن مادەنيەتى تۋرالى كىتاپتى سىيعا تارتقان.

nur.kz