فيلم قر پرەزيدەنتى نۇرسۇلتان نازارباەۆتىڭ «عاسىرلار توعىسىندا» اتتى كىتابى نەگىزىندە جاسالعان. كارتينانى كورسەتۋ قازاق حاندىعى قۇرىلۋىنىڭ 550-جىلدىعىن مەرەكەلەۋگە بايلانىستىرىلدى.

ءفيلمنىڭ العاشقى ءبولىمى قىپشاق جانە ارميان مادەنيەتتەرىنىڭ ءوزارا تىعىز قارىم-قاتىناسىنىڭ تاريحىنا ارنالعان، ونىڭ ناتيجەسى ورتاق ءتىلدىڭ تارالۋى بولدى. ءفيلمنىڭ ءاربىر سەرياسى 1465 جىلى قازاق حاندىعى تۋىنداۋىنان باستاپ تاۋەلسىز قازاقستانعا دەيىنگى قازاق حالقى تاريحىنىڭ جەكەلەگەن كەزەڭدەرى تۋرالى باياندايدى. فيلم قازاقستاننىڭ الەمدەگى تاريحي جانە گەوساياسي ءرولىن جارقىن سيپاتتا جانە جان-جاقتى اشىپ كورسەتەدى. كارتينادا شەتەلدەردە جۇمىس ىستەگەن قازاقستاندىق عالىمداردىڭ، سونداي-اق حالىقارالىق ساراپشىلار مەن تاريحشىلاردىڭ عىلىمي زەرتتەۋلەرىنىڭ ناتيجەلەرى كورىنىس تاپقان.

فيلم اعىلشىن تىلىندە كورسەتىلدى. تۇساۋكەسەرگە قازاقستاننىڭ بۇۇ جانىنداعى تۇراقتى وكىلى قايرات ءابدىراحمانوۆ، قر-دىڭ باس كونسۋلى راۋشان ەسبولاتوۆا، سونداي-اق ولاردىڭ نيۋ-يوركتە تىركەلگەن ارىپتەستەرى قاتىستى.

شەتەلدىك ديپلوماتتار جانە شەتەلدىك قوناقتارمەن قاتار اتالعان ءىس-شاراعا «Muse Films» كينوستۋدياسىنىڭ پرەزيدەنتى كارل كلاتتستى، «Cinema Tropical» پرەزيدەنتى كارلوس گۋتيەرەستى، «Seagull Films» ستۋدياسىنىڭ نەگىزىن قالاۋشى جانە پرەزيدەنتى الل ۆەرلوتسكيدى، «Kino Lorber» كينوستۋدياسىنىڭ قوعامدىق بايلانىستار جونىندەگى ۆيتسە-پرەزيدەنتى، بەلگىلى كينوسىنشى ەريك كوندى، فيلمدەردى ىلگەرىلەتۋ جونىندەگى اگەنتتىكتىڭ نەگىزىن سالۋشى سوفي گلاكتى قوسا العاندا، اقش كينويندۋسترياسىنىڭ وكىلدەرى، سونداي-اق تاۋەلسىز ساراپشىلار، عالىمدار، اقش-تاعى قازاق دياسپوراسىنىڭ وكىلدەرى قاتىستى.

فيلم امەريكاندىق كورەرمەندەردىڭ ۇلكەن قىزىعۋشىلىعىن تۋعىزدى. ءىس-شاراعا قاتىسۋشىلار نيۋ-يوركتە ءفيلمدى تولىق كولەمدە كورسەتۋ جالعاساتىنىنا ءۇمىت ءبىلدىردى.