پاۆلوداردا روبوتقا قارا جورعا بيلەت ۇيرەتىلدى، – دەپ حابارلايدىTengrinews.kz ءتىلشىسى. ينتەرنەتتە روبوتتىڭ قارا جورعا بيلەگەنى تۇسىرىلگەن ۆيدەو كوپ قارالىپ جاتىر.

پاۆلودارداعى بيزنەس-كوللەدجدىڭ ستۋدەنتتەرى روبوتقا قارا جورعا بيلەتىپ، ونىڭ ۆيدەوسىن ينتەرنەتكە جۇكتەدى. ستۋدەنتتەر مۇنىڭ دايىندىق ەكەنىن ايتتى.

“بۇل تەك ازىرلىك. ءبىز جۇمىسىمىزدى كوللەدجدىڭ ديرەكتورى كورسەۋىمىز كەرەك بولعان.بىراق ول قالادا بولمادى. سوندىقتان دا ءبىز جۇمىسىمىزدىڭ العاشقى نۇسقاسىن ينتەرنەتكە جۇكتەۋدى ءجون كوردىك”، – دەدى بيلەيتىن ماشينانىڭ اۆتورى، ءتورتىنشى كۋرس ستۋدەنتى ەگور كوپتيكوۆ.

ونىڭ ايتۋىنشا، روبوتتى قۇراستىرۋ ءۇشىن ەكى اپتا ۋاقىت كەتكەن، ال ونى بيلەتۋ ءۇشىن ءبىر اي جۇمسالدى. ول ءۇشىن ستۋدەنت فيليپپ ۆورونچيحين پەن يرينا دەياگەر كومەكتەستى.

“ماشينا مۋزىنىڭ ىرعاعىمەن بىركەلكى قيمىل جاساۋ ءۇشىن باپتاۋلاردى دايىنداۋ كەزىندە قيىندىقتار تۋدى. باعدارلامالاۋ دا وڭايعا تۇسپەدى. بارىنەن بۇرىن مۇنىڭ ءبارىن كىشكەنتاي كورپۋسقا كەلتىرۋ قيىنعا ءتۇستى. روبوتتى قوسقان كەزدە ول مۋزىكا ىرعاعىمەن بيلەيدى”، – دەدى فيليپپ ۆورونچيحين.

ستۋدەنتتىڭ ايتۋىنشا، قازىر پاۆلودارلىق روبوت زاماناۋي بلەردى ۇيرەنىپ جاتىر. ايتا كەتەيىك، بىلتىر پاۆلودارلىق ستۋدەنتتەر EXPO-2017 كورمەسىنە ارنالعان ايماقارالىق كونكۋرستا جۇلدەگەن اتانعان بولاتىن.

ء“بىز EXPO كورمەسىنە قاتىسۋعا دايىندالىپ جاتىرمىز. ناقتى قانداي جۇمىسىمىزدى اپاراتىنىمىزدى شەشكەن جوقپىز. ءبىزدىڭ بيلەيتىن روبوتىمىزدىڭ مۇمكىندىگى بار”، – دەدى ستۋدەنتتەر.

tengrinews.kz