قازاقتىڭ ويۋ-ورنەگىمەن ويىلىپ، ۇلتتىق ناقىشپەن ارلەنگەن بۇيىمداردىڭ قاتارى كۇن ساناپ ارتىپ كەلەدى. اسىرەسە قازاقستاندىق بايلاردىڭ اراسىندا ەلىمىزدىڭ سيمۆولىنا اينالعان ەرەكشە دۇنيەلەردى ۇستاۋ سانگە اينالعان.  سونىڭ ءبىرى  – Ulysse Nardin برەندىنىڭ قازاق بايلارىنا ارناپ شىعارعان قول ساعاتتارى. بۇيىمنىڭ بارلىعى جەكە تاپسىرىسپەن، ەكسكليۋزيۆتى تۇردە قولدان جاسالعان دەپ جازادىztb.kz-كە سىلتەمە جاساپ NUR.KZ.

1. ساعاتتىڭ بۇل نۇسقاسى جاقىندا عانا جارىققا شىعىپ، اۋەسقويلاردىڭ اراسىندا ۇلكەن سۇرانىسقا يە بولعان. ساعاتتىڭ ءتسيفرلى بەتىندە ەلىمىزدىڭ كوك تۋى بەينەلەنگەن. اتالعان اكسەسسۋاردىڭ نەبارى 10 داناسى عانا دايىندالىپتى.  DeWitt Academia Kazakhstan –نىڭ ەرەكشەلىگى سول، 2 ساعاتتىق بەلبەۋدى جانە ەل وڭىرىندەگى 24 قالانىڭ اتىن كورسەتەدى. ساعاتتىڭ قۇنى شۆەيتساريادا 14 300 دوللار. اتالعان سوماعا قول ساعاتتىڭ كاۋچۋك جانە تەمىر باۋلارى كىرەدى.

2. Ulysse Nardin Altyn Adam Unique Piece

«التىن ادام» دەپ اتالاتىن بۇل قول ساعات نەبارى 1 دانامەن عانا شىعارىلعان ناعىز ۇلتتىق ناقىشتاعى، ەكسكليۋزيۆتى اكسەسسۋار. بۇيىم العاش رەت الماتىدا وتكەن Luxe Expo –دا كورسەتىلدى. ساعاتتىڭ ءتسيفرلى بەتىندە «التىن ادامنىڭ» سۋرەتى بەينەلەنگەن. ساعاتتىڭ ديامەترى 40 مم، كورپۋسى مەن تىلدەرى 18 كاراتتىق كۇلگىن التىننان جاسالعان. سونداي-اق ساعاتتىڭ باستى ەرەكشەلىگى – بەتكى اينەگى جاقۇت تاستان. ال، ارتقى قاقپاعىندا قازاقستاننىڭ تۋى بەينەلەنگەن.

3. Ulysse Nardin Astana Limited Edition

دەپ اتالاتىن بۇل ساعات استانا قالاسىنا ارنالعان جانە سانى دا شەكتەۋلى. ەرەكشە جوبانى Ulysse Nardin جانە First Media Group كومپانيالارى بىرىگە وتىرىپ جاساعان. جاڭا ۇلگىنى اۋەسقويلار «ناعىز ەكسكليۋزيۆ» دەپ اتايدى. سەبەبى الەم بويىنشا نەبارى 25 داناسى بار. 15 داناسىنىڭ باۋى – سولتۇستىك امەريكالىق قولتىراۋىننىڭ تەرىسىنەن، ال قالعان 10 داناسىنىكى – كاۋچۋكتەن. ساعاتتىڭ ارتقى قاقپاعىندا بايتەرەك مۇناراسى بەينەلەنگەن.

4. Louis Moinet Kazakhstan Tourbillon Unique Piece

بۇل ساعات الەمدە جالعىز دانامەن عانا جاسالعان. قۇنى 245 مىڭ ەۋرو. ساعاتتىڭ بەتىندە قازاقستاننىڭ ەلتاڭباسى بەينەلەنگەن.

5. Ulysse Nardin Oil Pump

بۇل ساعات تا سيرەك كەزدەسەتىن، ەكسكليۋزيۆ بولىپ سانالادى. سەبەبى ونىڭ الەم بويىنشا 5 داناسى عانا شىعارىلعان. بۇيىم قازاقستاننىڭ مۇناي ءوندىرىسىنىڭ قۇرمەتىنە ارنالادى. اكسەسسۋاردىڭ بەتىندە قازاق جەرىنىڭ كارتاسى جانە ونداعى مۇناي وشاقتارى التىنمەن بەينەلەنگەن. باستى ەرەكشەلىكتەرىنىڭ ءبىرى – ءاربىر ساعات سايىن گونگا اسپابىنىڭ ەرەكشە داۋىسى شىعادى.

First Media Group كومپانياسىنىڭ باسشىسى، ەكس-دەپۋتات گۇلجان قاراقۇسوۆانىڭ كۇيەۋ بالاسى بەيبىت الىبەكوۆ اتالعان ساعاتتاردىڭ شىعۋ تاريحىن جاقسى بىلەدى جانە بولاشاقتاعى جاڭا تۋىندىلار جايلى دا ويىمەن ءبولىسدى.

«Luxە EXPO-نىڭ مەرەكەلىك جيىنى كەزىندە Ulysse Nardin-ءدىڭ ساعاتتارىن قازاقستانعا ارناپ شىعارۋ يدەياسى تۋىندادى. بۇل ەڭ تانىمال ماركانىڭ ءبىرى. ساعاتتىڭ باستى ەرەكشەلىگى –  ازاماتتاردىڭ ەلىمىزگە دەگەن سۇيىپەنشىلىگىن كورسەتۋدى كوزدەدىك.  اتالعان كومپانيا جوبامىزدى ۇلكەن ىقىلاسپەن قابىلدادى. سەبەبى، قازاقستان نارىعى ساعات ساتىپ الاتىن باستى ەلدەردىڭ ءبىرى. وسىلايشا بىردەن 2 جوبانى ياعني، «Ulysse Nardin Astana» مەن «Ulysse Nardin Altyn Adam-دى» قولعا الدىق. بيىلدىققا 6 ساعاتتىڭ جوباسى ازىرلەنىپ، دايىندالۋ ۇستىندە. ولاردى سىزدەر Luxە EXPO-نىڭ مەرەكەلىك جيىنى كەزىندە كورە الاسىزدار. داعدارىستان زارداپ شەككەننىڭ ءبىرى وسى ساعات يندۋسترياسى. ول تەك بۇيىم عانا ەمەس، اتادان بالاعا مۇرا بولار ينۆەستيتسيا، ەگەر ەكسكليۋزيۆتى جاسالعان بولسا، جىل وتكەن سايىن باعاسى كوتەرىلمەسە، تومەندەمەدى. مەن قازاقستانداعى برەندتىك ساعاتتار بولاشاقتا تاريحي قۇندىلىعىن ساقتاپ قالادى دەگەن ويدامىن. سونداي-اق بيىلعى جىل ساعات جاساۋشىلار ءۇشىن دە، ساتىپ الۋشىعا دا ەكونوميكالىق جاعىنان اۋىر بولارى ءسوزسىز. باستى ماقسات جوبانى جاۋىپ الماۋ. سەبەبى، ساتىلعان التىن ساعاتتاردان تۇسكەن قاراجاتتىڭ بارلىعى قاتەرلى ىسىككە شالدىققا جانداردىڭ ەمىنە جۇمسالاتىن ەدى»، – دەيدى بەيبىت الىبەكوۆ.