پەنتاگوننىڭ مالىمەتتەرى رەسەي ۇشاقتارىنىڭ تۇركيا اۋە كەڭىستىگىن بۇزعانىن راستاپ وتىر. بۇل تۋرالى ريا نوۆوستي اگەنتتىگىنە پەنتاگوننىڭ وكىلى مارك رايت مالىمدەگەن.

ء“بىز بۇل حابارلامادان حاباردارمىز جانە كەشە رەسەيلىك اسكەري تاعى ءبىر ۇشاقتىڭ تۇركيا مەن ناتو-نىڭ اۋە كەڭىستىگىن بۇزعانىن راستاي الامىز، – دەپ مالىمدەدى رايت. – ءبىز وسىعان دەيىنگى وقيعالاردان كەيىن مالىمدەگەنىمىزدەي، اقش تۇركيامەن نيەتتەستىكتە ناتو-عا قوسىلادى، ءبىز رەسەيدى تۇركيانىڭ اۋە كەڭىستىگىن قۇرمەتتەۋگە جانە وڭىردە جوعارعى دارەجەدەگى تۇراقسىزدىق قاتەرىنە اكەپ سوقتىراتىن ارەكەتتەردى توقتاتۋعا شاقىرامىز”. پەنتاگون وكىلىنىڭ مالىمەتىنشە، “ورىستار مەن تۇرىكتەردىڭ ءبىر-بىرىمەن اڭگىمەلەسكەنى” جانە ەسكالاتسيانىڭ الدىن الۋ بويىنشا شارالاردى جۇرگىزۋى ماڭىزدى.

ەسكە سالايىق، تۇركيا سىرتقى ىستەر ءمينيسترى تۇرىك تاراپىنىڭ رەسەيلىكسۋ-34 ۇشاعىنىڭ اۋە كەڭىستىگىن بۇزدى دەپ مالىمدەۋىنە بايلانىستى رەسەي ەلشىسىن شاقىرىپ العان بولاتىن. تۇرىك تاراپىنىڭ حابارىنا قاراعاندا، رەسەيلىك ۇشاق تۇركيانىڭ اۋە كەڭىستىگىن 29 قاڭتاردا جەرگىلىكتى ۋاقىت بويىنشا 11.46-دا بۇزعان. سونىمەن قاتار، تۇركيا ءسىم بۇل وقيعانىڭ رەسەيدىڭ ەكى ەل اراسىنداعى شيەلەنىستى كۇشەيتكىسى كەلەتىنىن كورسەتىپ وتىر دەپ مالىمدەدى. ال رەسەيدىك قورعانىس مينيسترلىگىنىڭ رەسمي وكىلى گەنەرال-مايور يگور كوناشەنكوۆ رەسەيلىك اۋە توبىنىڭ سيريادا تۇرىك اۋە كەڭىستىگىن بۇزباعانىن مالىمدەدى.  “(…) تۇرىك تاراپىنىڭ رەسەيلىك اۋە توبى تۇركيانىڭ اۋە كەڭىستىگىن بۇزدى دەلىنگەن مالىمدەمەسى دالەلسىز ناسيحات”، – دەدى ول.

ەسكە سالايىق، رەسەي مەن تۇركيانىڭ قارىم-قاتىناسى سيريالىق-تۇرىك شەكاراسىندا رەسەيلىك سۋ-24 بومبالاۋشى ۇشاعىن اتىپ ءتۇسىرۋ وقيعاسىنان كەيىن بۇزىلا باستادى. وقيعا 24 قاراشادا بولدى. باق مالىمەتىنشە، ۇشاق تۇرىكتىڭ F-16 جويعىشىنىڭ “اۋە-اۋە” تۇرىندەگى زىمىرانى ارقىلى اتىپ تۇسىرىلگەن جانە سيريادا، تۇركيانىڭ شەكاراسىنا 4 شاقىرىم جەرگە قۇلاعان. ۇشقىشتاردىڭ ءبىرى ءتىرى قالدى. رف اۋە كۇشتەرى باس شتابى شابۋىلعا ۇشىراعان سۋ-24 بومبالاۋشىسىنىڭ تۇركيانىڭ اۋە كەڭىستىگىن بۇزباعانىن مالىمدەدى جانە بۇل مالىمەتتىڭ سيريالىق اۋە قورعانىسىنىڭ مالىمەتتەرىمەن راستالاتىنىن العا تارتتى. ال تۇركيا ۇشاقتىڭ شەكارانى بۇزعانىن ايتىپ وتىر.

tengrinews.kz