ءسىز بىلۋگە ءتيىس قازاق ۇلى نەمەسە «قازاقتىڭ ۋسەين بولتى» جايلى
kerey.kz
ۋسەين بولت – بۇل جەلاياق ادامدى الەمدە ءبارى بىلەدى، الايدا ءسىز «قازاقتىڭ ۋسەين بولتىن» بىلەسىز بە؟ «قازاقتىڭ ۋسەين بولتى» مارات جىلانباەۆ(1963 جىلعى) يامايكانىڭ ۋسەين بولتىن ون وراپ وتەدى. نەگە دەيتىن شىعارسىز؟! ويتكەنى ول الەمدەگى ادام تۇرماق جانۋار ءومىر سۇرمەيتىن جانتوزگىسىز ىستىق قۇمداردى جۇگىرىپ وتكەن، قارلى شىڭداردى جۇگىرىپ باعىندىرىپ، گيننەسس رەكوردىن تالاي رەت جاڭارتقان. سونىمەن، سوزىمە سەنبەسەڭىز مارات جىلانباەۆ جەتكەن جەتىستىكتەرگە نازار اۋدارىڭىز:
1. 1991 جىلى 30 تامىز بەن 5 قىركۇيەك ارالىعىندا ەۋروپانىڭ ەڭ بيىك شىڭى ەلبرۋسقا (5652 مەتر) جۇگىرىپ شىعىپ، ەكىنشى ورىن الدى. بۇل كورسەتكىش كەز كەلگەن الپينيستەن 2,5 ساعاتقا ارتىق.
2. 1992 جىلى 4-19 اقپان ارالىعىندا تمد ەلدەرى اراسىندا العاش رەت ەڭ ۇزاق قىستىق مارافون ۇيىمداستىرىپ، ەكىباستۇز-الماتى (1480 شاقىرىم) باعىتىن 16 كۇندە قاقاعان ايازدا جۇگىرىپ ءوتتى.
3. 1992 جىلى امەريكا قۇرلىعىنىڭ اشىلۋىنا 500 جىل تولۋىنا وراي ۇيىمداستىرىلعان «التىن باتىسقا اپارار جول» اتتى مارافوندا نەۆادا-كاليفورنيا باعىتىن 22 ساع.9 مين.14 سەكۋندتا جۇگىرىپ ءوتىپ، ەكىنشى ورىن يەلەندى.
4. 1992 جىلى قاراشادا «كراسنويارسك جۇزدىگى» سۋپەرمارافونىندا 100 شاقىرىمدى 7 ساع.44 مين.11 سەكۋندتا باعىندىرىپ، باس جۇلدەنى يەلەندى.
5. 1993 جىلدىڭ ماۋسىمىندا كانادادا «جارتى ءتۇننىڭ كۇنى» اتتى مارافوندا 100 شاقىرىمدىق قاشىقتىقتا ەكىنشى ورىندى يەمدەندى.
6. 1994 جىلى «ءولىم القابىنان-ۋيتني شىڭىنا دەيىن» دەگەن مارافوندى تەڭىز دەڭگەيىنەن -84 مەتر تومەندىكتە باستاپ، 4910 مەتر بيىكتىكتە اياقتاۋ ارقىلى ەكىنشى ورىندى يەمدەندى.
7. 1990 جىلدىڭ 6-قازانى مەن 1991 جىلدىڭ 5-قازانى ارالىعىندا، ياعني 365 كۇن ىشىندە، ءار قايسىسى 42 شاقىرىم 192 مەتردى قۇرايتىن 226 مارافوندى جۇگىرىپ ءوتىپ، گيننەسس رەكوردتار كىتابىنا ەندى.
8. 1991 جىلى 2-25 ناۋرىز ارالىعىندا 23 كلاسسيكالىق مارافوندى جۇگىرىپ ءوتىپ، تاعى رەكوردتارعا تىركەلدى.
9. 1991 جىلدىڭ 1-15 ماۋسىم ارالىعىندا كۇنىنە 2 كلاسسيكالىق مارافون(42+42=84 كم), 15 كۇندە 30 كلاسسيكالىق مارافوندى باعىندىرىپ كەزەكتى مارتە گيننەسس كىتابىنا ەندى.
10. ازياداعى قاراقۇمدى 1992 جىلى 2-22 ءساۋىر ارالىعىندا جۇگىرىپ ءوتىپ كەزەكتى مارتە رەكوردتار كىتابىن شۋلاتتى.
مارات جىلانباەۆ ومىرىندە گيننەسستەر رەكوردىنا 7 مارتە تىركەلگەن تەڭدەسسىز مارافونشى! 1993 جىلى 24 كۇن ىشىندە ساحارا ءشولىن (1700 شاقىرىم), سول جىلى 22 كۇندە ۇلكەن ۆيكتوريا ءشولىن (1600 شاقىرىم), 1994 جىلى 17 كۇندە موحاۆا ءشولىن (1218 شاقىرىم) كەسىپ وتكەنى ەرلىكپەن پارا-پار. ايگىلى قازاق بالاسى جايلى فيلم تۇسىرسە دە ارتىق ەتپەس…(فوررەست گامپتىڭ ويناماي قالارى ءسوزسىز)))) وزگەنى ەمەس، ءوزىمىزدى ماقتاساق-ماقتانارلىق تۇلعا جەتەرلىك!
Ashat Kasengalءتىڭ facebook پارراقشاسىنان الىندى
پىكىر قالدىرۋ