نيۋ-يوركتە تۇراتىن ۇلتى قازاق پوليتسەي ءوز ءومىرى جايلى ايتىپ بەردى. ول برۋكليندەگى مەترونىڭ ماڭىندا كوشە بويىندا ءبىر ايەلدى بوساندىرىپ الۋعا كومەكتەسكەننەن كەيىن تانىمال بولعان ەدى. ولEsquire.kz باسىلىمىنداعى “قازاقستاندىقتار امەريكادا” جوباسىنىڭ اياسىندا قازاقستاندىق رەجيسسەر قانات بەيسەكەەۆتىڭ قىسقا دەرەكتى ءفيلمىنىڭ كەيىپكەرى بولدى.

“اقش-قا ساپارىمىزدىڭ بارىسىندا دانيارمەن كەزدەسۋدى ءجون كوردىك، ول بىزگە اقش-قا قالاي كەلگەنىن جانە نيۋ-يورك پوليتسيا دەپارتامەنتىنىڭ پوليتسيا وفيتسەرى بولۋ دەگەن ارمانىنا جەتۋ ءۇشىن قانداي قيىن جولدى ءجۇرىپ وتۋگە تۋرا كەلگەنىن ايتىپ بەردى”، – دەلىنگەن ءفيلمنىڭ العىسوزىندە.

“كۇن سايىن جۇمىسقا باراسىڭ، بىراق قانداي پوستتا تۇراتىنىڭ، قانداي ادامداردى كەزدەستىرەتىنىڭ بەلگىسىز. قايىرىمدى ادامدارمەن دە كەزدەسەسىڭ، كەيدە كۇش قولدانۋعا تۋرا كەلەتىن ادامدارعا دا كەز بولاسىڭ. جۇمىسىم سونداي – باقىلاۋ”، –  دەيدى دانيار نۇرتازا.

“مۇندا مەن الىپ بارا جاتقان زۇلىمدىقتى كورمەدىم. ۇناتپايتىندارىن كورسەتۋى مۇمكىن. بىراق وزدەرىنىڭ قاۋىپسىزدىگىن ويلاپ تۇرعانىمدى نەگىزىندە تۇسىنەدى”، – دەيدى فيلم كەيىپكەرى.

“امەريكا – مۇمكىندىكتەر ەلى. بارلىعىنا جا مۇمكىندىك بەرەدى. وسىندا كەلۋگە بەل بۋدىق. ءومىر ءبىز ويلاعاننان دا قيىن بولىپ شىقتى. ەشكىم مۇندا سەنى كۇتپەيدى”، – دەيدى دانيار.

ونىڭ ايتۋىنشا، امەريكادا پوليتسەيلەر جۇمىستى وزگەشە ىستەيدى. “قازاقستاننان ايىرماشىلىعى جەر مەن كوكتەي. پوليتسەيلەرگە دەگەن قاتىناس باسقا. بۇل جاعداي 11 قىركۇيەك وقيعاسىنان كەيىن ەدى. ولار مۇندا قاھارماندار سياقتى ءجۇردى”، – دەيدى ول.

“پوليتسەي بولۋ – ابىروي. ولار بۇل جۇمىستى تاڭداي وتىرىپ، قاتەرگە باسىن سانالى تۇردە تىگەدى. ءار كۇنى پاترۋلگە شىعۋ الدىندا كۇنىڭنىڭ قالاي وتەتىنىنە سەنىم بولمايدى”، – دەپ قورىتىندىلادى دانيار.

https://youtu.be/WSkHXTdf9os

دەرەككوز: Esquire.kz

tengrinews.kz