ماناربەك وتەۋوۆ. فوتو: VK.COM

فوتولار جۋرناليست ايدوس سادىقوۆتىڭ Facebook پاراقشاسىندا جاريالانعان. ول بۇل قۇجات سەنىمدى كوزدەردەن الىنعانىن العا تارتتى.

حاتتا ءوزىن اتىراۋ ءىىب بۇرىنعى پوليتسيا وفيتسەرى رەتىندە تانىستىرعان ماناربەك وتەۋوۆ دميرتي كيمنىڭ جاقىندارىنان كەشىرىم سۇراي كەلە، كيمدى اتىراۋ پوليتسياسى باسشىسىنىڭ تاپسىرىسىمەن ولتىرگەنىن ايتادى.

ودان بولەك اتىراۋلىق پوليتسەيلەردىڭ ۇيىمداسقان قىلمىستىق توپ قۇرىپ، حالىقتى توناۋدىڭ جۇيەلى جولىن قالىپتاستىرعانى ءسوز ەتىلگەن. ياعني، ءتارتىپ ساقشىلارى كاسىپكەرلەرگە ءتۇرلى “سالىقتار” سالىپ، جەزوكشەلەردىڭ ءىسىن قولداپ كەلگەن. ادامدارعا جالعان ايىپ تاعىپ، تۇرمەگە جاۋىپ وتىرعان.

ماناربەك “جەمقورلىق پەن جەزوكشەلىك بىلىعىنا بەلشەسىنەن باتقان ءىىب باسشىلىعىنان” تاپسىرىستى وزگە ارىپتەستەرى دە ورىنداپ وتىرعانىن، ءتىپتى ولاردىڭ ەسىمدەرىن دە تىزبەكتەيدى.

ول ءوزىنىڭ اشىق حات جازۋ سەبەبىن سوتقا جەتپەي ءولىپ كەتۋ مۇمكىندىگىمەن بايلانىستىرعان. سەبەبى، ول سوت وتىرىسىندا حاتتا كورسەتىلگەن فاكتىلەردى قانداي قىسىم كورسەتىلسە دە، جايىپ سالۋعا بەل بۋىپ وتىرعان كورىنەدى.

ال فوتونى جاريا ەتكەن جۋرناليست بولسا، مۇنىڭ ولەر الدىنداعى حاتقا كوبىرەك ۇقسايتىنىن العا تارتقان.

فوتو FACEBOOK.COM/AYDOS.SADYKOV

اتىراۋ وبلىسىنىڭ ىشكى ىستەر دەپارتامەنتى بۇل اقپاراتقا ەشقانداي تۇسىنىكتەمە بەرە المادى.