استانا اۋەجايىنىڭ تەرريتورياسىندا قىتاي ازاماتىنىڭ نە سەبەپتى قايتىس بولعانى انىقتالدى، – دەپ حابارلايدى Tengrinews.kz تىلشىسى استانا ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 27 ناۋرىز كۇنى ساعات 07.53-تە حالىقارالىق اۋەجايدىڭ ايالداماسىنان قحر-دىڭ 1960 جىلعى ازاماتى يانگ ءدجينليننىڭ دەنەسى تابىلعان. ونىڭ دەنەسىندە ەشقانداي زورلىق بەلگىلەرى بولماپتى.

“ەسىل” اۋداندىق ءىىب باسشىسىنىڭ ورىنباسارى، پوليتسيا پولكوۆنيگى ەرىك ەگىزباەۆتىڭ ايتۋىنشا، وسى دەرەك بويىنشا سوتقا دەيىنگى تەرگەۋ جۇرگىزىلىپ جاتىر. تەگرەۋ اياسىندا ءتيىستى ساراپتامالار دا تاعايىندالعان. دەرەك جونىندە قر ءسىم كونسۋلدىق قىزمەتىنە حابارلاندى.

“سوت-مەديتسينالىق ساراپتاماسى ارقىلى ونىڭ ميوكارد ينفاركتىنەن قايتىس بولعانى انىقتالدى”، – دەپ حابارلادى ءباسپاسوز قىزمەتى وكىلدەرى.

ەسكە سالايىق، 27 ناۋرىز كۇنى تاڭەرتەڭ استانا اۋەجايىنىڭ تەرريتورياسىندا قىتاي ازاماتىنىڭ دەنەسى تابىلعان ەدى.

tengrinews.kz