استانا، الماتى، تالدىقورعان جانە تۇركىستان اۋاسى ەڭ جوعارى دەڭگەيدە لاستانعان قالالاردىڭ تىزىمىنە كىردى، – دەپ حابارلايدى Tengrinews.kzءتىلشىسى Igraphickz مالىمەتىنە سىلتەمە جاساپ. كەلتىرىلگەن مالىمەتتەرگە سايكەس، استانادا اۋانى نەگىزىنەن كۇكىرت ديوكسيدى لاستايدى ەكەن، ول قوڭىر كومىر مەن مازۋتتى جاعاتىن جىلۋەلەكتروستانتسيالاردىڭ جۇمىسىنىڭ، كۇكىرتى بار مۇناي ونىمدەرىن جانە كۇكىرتى بار رۋدالاردان مەتالل الۋ جۇمىستارىنىڭ ناتيجەسىندە بولىنەدى.

ال الماتىداعى اۋادا ازوت ديوكسيدى بار، ول وتە جوعارى تەمپەراتۋرادا وتىننىڭ جانۋى مەن وتتەگىنىڭ شەكتەن اسۋىنان پايدا بولادى. ول نەگىزىنەن اۆتوموبيلدەن شىعاتىن گاز بەن جەس قالدىعىنان، سونىمەن قاتار قاتتى قالدىقتاردىڭ جانە گازدىڭ جانۋىنان شىعادى ەكەن.

زەرتتەۋ مالىمەتىنشە، تالدىقورعاننىڭ اۋاسىندا رم-10 بولشەكتەرى مەن كۇكىرتتى سۋتەك بار. ولار قازبالى جانە وزگە دە وتىننىڭ جانۋىنان شىعادى. كۇكىرتتى سۋتەك ورگانيكالىق زاتتاردىڭ ىدىراۋىنان شىعىپ، كوممۋنالدىق-تۇرمىستىق شارۋاشىلىق اڭىن سۋلارىندا، مەتاللۋرگيالىق، حيميالىق، تسەلليۋلوزدىق-قاعاز، بىلعارى زاۋىتتارىندا بولادى. ال تۇركىستاننىڭ اۋاسىندا رم-10 بولشەكتەرى تىركەلگەن.

پاۆلودار وبلىسىنداعى اقسۋ قالاسىنىڭ اۋاسى ەڭ تازا بولىپ سانالادى. بۇل ەلدى مەكەندە لاستاۋشى كونتسەنتراتسيالىق زاتتاردىڭ شەگى بىردە-ءبىر رەت بۇزىلماپتى.

ينفوگرافيكادا 2016 جىلدىڭ قاڭتار ايى بويىنشا زەرتتەۋدىڭ ناتيجەسى كورسەتىلگەن.

ينفوگرافيكا: © Igraphickz

سونىمەن قاتار، اۋاسى قاتتى لاستانعان قالالاردىڭ ءتىزىمى ۇسىنىلدى: ستەپنوگورسك، وسكەمەن، قوستاناي، پاۆلودار، تەمىرتاۋ، قاراعاندى جانە گلۋبوكوە اۋىلى. اۋاسى جوعارى دەڭگەيدە لاستانعان قالالار: ساران، تاراز، شىمكەنت، ورال، پەتروپاۆل، جاڭاتاس، شۋ، اكتوبە، بالحاش، قاراتاۋ، سەمەي، جەزقازعان، اتىراۋ، اۋىلدار: اقاي، قارابالىق، قورداي، يانۆارتسەۆو جانە بەينەۋ. اۋاسىنىڭ لاستانۋ دەڭگەيى تومەن قالالار: اقسۋ، ريددەر، قىزىلوردا، جاڭاوزەن، ەكىباستۇز، كەنتاۋ، رۋدنىي، قۇلسارى، كوكشەتاۋ، اقتاۋ، اۋىلداردان: سارىبۇلاق، تورەتام، بەرەزوۆكا، “بۋراباي” جانە ششۋچينسك-بوروۆسك كۋرورت ايماعى.

tengrinews.kz