امەريكالىق Global Finance Magazine باسىلىمى الەمدەگى ەڭ باي ەلدەردىڭ رەيتينگىن جاسادى، وعان 185 مەملەكەت كىردى. ءتىزىم دۇنيەجۇزىلىك بانك پەن حالىقارالىق ۆاليۋتا قورىنىڭ نەگىزىندە جاسالدى.

باسىلىم حالىقتىڭ ساتىپ الۋ قابىلەتىنىڭ تەپە-تەڭدىگىن ەسكەردى، ول ءومىر ءسۇرۋدىڭ سالىستىرمالى قۇنى مەن ەلدەگى ينفلياتسيانىڭ دەڭگەيىن باستى نازارعا الادى.

پوستكەڭەستىك كەڭىستىكتەگى ەلدەر اراسىندا ەڭ باي مەملەكەت ليتۆا (41-ورىن) مەن ەستونيا (42-ورىن) بولدى. مۇنداعى حالىقتىڭ ساتىپ الۋ قابىلەتىنىڭ دەڭگەيى 28 245 جانە 27 729 دوللارعا تەڭ. ودان كەيىنگى ورىندا قازاقستان – 50-ورىن. بىزدەگى كورسەتكىش - 25 367 دوللار.

رەسەي مەن لاتۆيا 51 جانە 52-ورىندا (25 350 جانە 25 195 دوللار). ءازىربايجان مەن بەلارۋس – 64 جانە 65-ورىندا. تۇركمەنستان 77-ورىنعا جايعاستى. سونىمەن قاتار، بۇل تىزىمدە ۋكراينا (109-ورىن), ارمەنيا (116), وزبەكستان (127), مولدوۆا (132), قىرعىزستان (142), تاجىكستان (153) بار.

Global Finance Magazine الەمدەگى ەڭ باي ەل دەپ كاتاردى اتادى (146 000 دوللار). ەكىنشى ورىندا ليۋكسەمبۋرگ (94 167), ءۇشىنشى ورىندا – سينگاپۋر (84 821).

باسىلىمنىڭ تۇجىرىمى بويىنشا، الەمدەگى ەڭ باي 25 ەلدىڭ قاتارىنا برۋنەي، كۋۆەيت، نورۆەگيا، ءباا، گونكونگ، اقش، شۆەيتساريا، ساۋد ارابياسى، باحرەين، نيدەرلاندى، يرلانديا، اۆستراليا، اۆستريا، شۆەتسيا، گەرمانيا، تايۆان، كانادا، دانيا، ومان، يسلانديا، بەلگيا جانە فرانتسيا كىردى.

tengrinews.kz