وسىلايشا، وڭتۇستىك كورەياعا باعىت العان قر-نىڭ ازاماتتارى وڭتۇستىك كورەيالىق ۆيزاسىز 30 كۇنگە دەيىن:
- تۋريستتىك ماقساتپەن;
- ىسكەرلىك ماقساتىمەن;
- ساۋىعۋ جانە ەمدەلۋ ماقساتىمەن;
- مادەني-اعارتۋشىلىق ماقساتىمەن;
- جەكە ىسىمەن (تۋىسقاندارىنا، دوستارىنا جانە تانىستارىنا بارۋ) شىعا الادى.
سونىمەن بىرگە وسى كەلىسىمنىڭ ەرەجەلەرى كورەيا رەسپۋبليكاسىنا كەلەسى ماقساتتارمەن باعىت العان تۇلعالارعا تيەسىلى ەمەس:
- جۇمىسقا تۇرۋ;
- وقۋعا بارۋ;
- تۇراقتى مەكەندەۋ;
- ميسسيونەرلىك ماقسات.
بۇل جاعدايدا قازاقستاننان كورەيا رەسپۋبليكاسىنا شىعۋ الدىندا الدىن الا استاناداعى كورەيا رەسپۋبليكاسىنىڭ ەلشىلىگىندە نەمەسە الماتىداعى باس كونسۋلدىعىندا وڭتۇستىككورەيالىق ءتيىستى كاتەگورياسى بار ۆيزانى جاساۋى قاجەت. كەرى جاعدايدا، كورەيا رەسپۋبليكاسىنىڭ كوشى-قون وكىمەتى سىزگە كىرۋگە رۇقسات بەرمەي، وڭتۇستىككورەيالىق زاڭناماعا سايكەس دەپورتاتسيا رەجيمىن قولدانا الادى.
وڭتۇستىككورەيالىق كوشى-قون قىزمەتىنىڭ قىزمەتكەرلەرى ءوز ەلىنىڭ زاڭناماسىنا سايكەس كىرۋ كەزىندە ءاربىر شەتەل ازاماتتى ساپار ماقساتىنىڭ ناقتى نيەتىمەن سايكەستىگىن تەكسەرۋ ءۇشىن ساۋالناما جۇرگىزۋگە جانە جاۋاپ بەرۋ كەزىندە سايكەسسىزدىكتەر بايقالعان جاعدايدا، جوعارىدا ايتىلعان كەلىسىمنىڭ 7-بابىنا سايكەس كىرۋگە رۇقسات بەرمەۋگە قۇقىلى.
وسىعان بايلانىستى، وڭتۇستىك كورەياعا شىعاتىن قر ازاماتتارىنا ساپار ماقساتتارىنا قاراماستان قايتۋ بيلەتتىڭ بولۋىن، وڭتۇستىك كورەياداعى ءتيىستى تۇلعانىڭ نەمەسە ۇيىمنىڭ (سەرىكتەس كومپانيا، تۋراگەنتتىگى، مەديتسينالىق مەكەمە جانە ت.ب.) شاقىرۋ كوشىرمەسىنىڭ بولۋىن، كوشى-قون كارتاسىندا (حالىقارالىق اەرووپورتتا كەلگەن كەزىندە تولتىرىلادى) ساپار ماقساتىن، كورەيا رەسپۋبليكاسىندا تۇراتىن ۋاقىتشا مەكەنجايدى جانە ءسىز بارا جاتقان تۇلعانىڭ/ۇيىمىنىڭ اتى-ءجونىن، اتاۋىن جانە بايلانىس اقپاراتىن انىق كورسەتۋدى قادالا سۇرايمىز.
سونىمەن قاتار، شىعاتىنداردىڭ بارلىعىنا مەديتسينالىق ساقتاندىرۋدى كورەيا رەسپۋبليكاسىنا اتتانار الدىندا جاساۋعا كەڭەس بەرەمىز، تەگىن مەديتسينالىق كومەك قىزمەتى بۇل ەلدە قاراستىرىلماعان.
پىكىر قالدىرۋ