“ۋولل-ستريت دجورنال” باسىلىمىنا بەرگەن سۇحباتىندا ول اقش-تىڭ رەسەي قاۋپىن زەرتتەۋگە باعىتتالعان بارلاۋ قۇرالدارىنا جەتكىلىكتى ءمان بەرمەي وتىرعانىنا وكىنىش ءبىلدىردى. “سوندىقتان قولدا بار تەحنيكالىق مۇمكىندىكتى ماسكەۋدىڭ ءوسىپ كەلە جاتقان اسكەري كۇشىنىڭ الەۋەتىن بايقاۋعا جۇمساۋ قاجەت”، – دەپ مالىمدەدى امەريكاندىق گەنەرال.

ونىڭ پىكىرىنشە، قازىر تەحنيكالىق مۇمكىندىكتەردىڭ باعىتتارىن قايتا قاراپ، ماقساتتارىنا وزگەرىستەر ەنگىزۋ قاجەت

ء“بىز رەسەيدىڭ ارىپتەستىك تۋرالى ۇسىنىستان باس تارتىپ، تەكەتىرەس جولىنا تۇسكەنىن كورىپ وتىرمىز، سوندىقتان بىزگە دە باعىت-باعدارىمىزدى تيىسىنشە وزگەرتۋ قاجەت بولادى”، – دەدى گەنەرال.

بريدلاۆ سونىمەن بىرگە، قولباسشىلىق قىزمەتكە تاعايىندالعان كەزىندە رەسەيدى قارسىلاس ەمەس، ارىپتەس رەتىندە قابىلداعانىن ەسكە الدى. بيىل بريدلاۆ ناتو-نىڭ بىرىككەن كۇشتەرىنىڭ قولباسشىلىعىنان كەتەدى.

دەرەك كوزى: centralasian.org