قازاقستان رەسپۋبليكاسى كونستيتۋتسياسىنىڭ 40-بابىنا، 44-بابىنىڭ 3) تارماقشاسىنا سايكەس قاۋلى ەتەمىن:

1. 2016 جىلعى 31 جەلتوقسانعا دەيىن مىنالارعا:

1) «قازاقستان رەسپۋبليكاسىنىڭ جەر كودەكسىنە وزگەرىستەر مەن تولىقتىرۋلار ەنگىزۋ تۋرالى» 2015 جىلعى 2 قاراشاداعى قازاقستان رەسپۋبليكاسى زاڭىنىڭ نورمالارىن قولدانۋعا;

2) شەتەلدىكتەرگە، ازاماتتىعى جوق ادامدارعا، شەتەلدىك زاڭدى تۇلعالارعا، سونداي-اق جارعىلىق كاپيتالىنداعى شەتەلدىكتەردىڭ، ازاماتتىعى جوق ادامداردىڭ، شەتەلدىك زاڭدى تۇلعالاردىڭ ۇلەسى ەلۋ پايىزدان اساتىن زاڭدى تۇلعالارعا اۋىل شارۋاشىلىعى ماقساتىنداعى جەر ۋچاسكەلەرىن جالداۋ شارتتارىمەن ۋاقىتشا جەر پايدالانۋ قۇقىعىن بەرۋگە;

3) جەكە جانە زاڭدى تۇلعالارعا مەملەكەتتىك مەنشىكتەگى اۋىل شارۋاشىلىعى ماقساتىنداعى جەر ۋچاسكەلەرiنە جەكە مەنشىك قۇقىعىن بەرۋگە موراتوري جاريالانسىن.

2. قازاقستان رەسپۋبليكاسىنىڭ ۇكىمەتى:

1) وسى جارلىقتىڭ 1-تارماعىن ىسكە اسىرۋعا باعىتتالعان زاڭنامالىق تۇزەتۋلەر ەنگىزۋدى قامتاماسىز ەتسىن;

2) جەر رەفورماسى جونىندە كوميسسيا قۇرسىن;

3) وسى جارلىقتى ىسكە اسىرۋ جونىندە وزگە دە شارالار قابىلداسىن.

3. قازاقستان رەسپۋبليكاسىنىڭ باس پروكۋراتۋراسى وسى جارلىقتىڭ 1-تارماعىن ىسكە اسىرۋ بارىسىندا زاڭدىلىقتىڭ ساقتالۋىن قاداعالاۋدى قامتاماسىز ەتسىن.

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

استانا، اقوردا، 2016 جىلعى  6 مامىر

№ 248