قۇرمەتتى دوستار!

قازاقستان رەسپۋبليكاسىنىڭ «قوعامدىق كەڭەستەر تۋرالى» زاڭى 2015 جىلعى 2 قاراشاداعى № 383-V قرز-عا سايكەس قر ءسىم-دە قوعامدىق كەڭەس قۇرىلىپ، ءوز جۇمىسىن باستادى.

قوعام سىرتقى ىستەر مينيسترلىگىنىڭ جۇمىسىن باقىلايتىن، بەس ينستيتۋتسيونالدى رەفورمانى جۇزەگە اسىرۋ جونىندەگى «100 ناقتى قادام» اتتى ۇلتتىق جوبانىڭ شەڭبەرىندە ەلىمىزدە جۇرگىزىلىپ جاتقان ساياسي رەفورمالاردىڭ ناتيجەسىندە مەملەكەتتىك سالاعا بىرلەستىرىلگەن جاڭا قوعامدىق ينستيتۋت بولىپ تابىلادى.

2016 جىلعى 17 مامىردا قوعامدىق كەڭەستىڭ كەزەكتى وتىرىسى وتەدى. مەملەكەتتىك قىزمەتتەردى كورسەتۋ ساپاسىنىڭ ماسەلەلەرى وسى وتىرىستا تالقىلاناتىن  نەگىزگى پۋنكتەرىنىڭ ءبىرى بولادى. قر ءسىم ءوز قۇزىرەتى شەڭبەرىندە كونسۋلدىق قىزمەتتەرگە قاتىستى 12 ءتۇرلى مەملەكەتتىك قىزمەت كورسەتەدى.  كەلەسى سىلتەمە ارقىلى 2015 جىلى بەكىتىلگەن مەملەكەتتىك قىزمەتتەردى كورسەتۋدىڭ ءتيىستى ۇلگىلەرىمەن تانىسا الاسىز.

حالىقپەن كەرى بايلانىستى قۇرۋ ءۇشىن مينيسترلىكتە ارنايى e-mail اشىلدى: council@mfa.kz. بۇل e-mail-گە ءسىز قىزمەتتەردى كورسەتۋ ساپاسىنا، سونداي-اق  بار ۇلگىلەرگە وزگەرىستەر مەن تولىقتىرۋلاردى ەنگىزۋگە قاتىستى ءوز ۇسىنىمدارىڭىز بەن قالاۋلارىڭىزدى جولداي الاسىز.

كەلىپ تۇسكەن ۇندەۋلەر الدىمەن قوعامدىق كەڭەسپەن قاراستىرىلىپ، سوسىن قر ءسىم جۇمىسىندا ەسكەرىلەتىن بولادى.