اقش پرەزيدەنتتىگىنە رەسپۋبليكاشىل پارتيادان كانديدات دونالد ترامپ ەگەر پرەزيدەنت بولسا بالتىق ەلدەرىنە ەگەر رەسەي شابۋىل جاساسا بىردەن كومەكتەسەتىنىن ايتادى.

New York Times باسىلىمىنا 20 شىلدەدە بەرگەن سۇحباتىندا ترامپ مۇنداي ەلدەرگە رەسەي باسقىنشىلىعىنان قورعانۋعا كومەكتەسپەس بۇرىن ولاردىڭ امەريكالىقتار الدىندا «الدىنداعى مىندەتتەمەلەرىن ورىنداعان، ورىنداماعانىنا» تالداۋ جاسايتىنىن ايتتى.

ترامپ بۇعان دەيىن ناتو-عا مۇشە كەيبىر ەلدەردىڭ اليانسقا وزدەرىنە ءتيىستى تۇردە ۇلەس قوسقانىنا كۇماندانىپ، ۆاشينگتون ناتو-عا تىم كوپ قارجى ءبولىپ وتىرعانىنا شاعىمدانعان.

ناتو مۇشەسى شابۋىلعا ۇشىراعان جاعدايدا وعان كومەك كورسەتپەۋ اليانستىڭ سولتۇستىك اتلانتيكا كەلىسىمىنىڭ 5-بابىنا قايشى كەلەدى. ول بويىنشا، ناتو قۇرامىنداعى كەز-كەلگەن ەلگە شابۋىل تۇتاس اليانسقا شابۋىل دەپ سانالادى.

ترامپ اقش وداقتاستارى ونىڭ “ۇستانىمىنا بەيىمدەلەتىنىن” جانە ءوزى قولدانىستاعى كەلىسىمنىڭ كۇشىندە قالعانىن ءجون كورەتىنىن ايتتى. بىراق ول كەلىسىم اقش وداقتاستارى ۆاشينگتوننىڭ “وزگەنىڭ ورنىنا اقشا تولەي سالاتىن جومارتتىعىنان” ۇنەمى پايدا كورۋدى دوعارعان جاعدايدا عانا ساقتالۋى مۇمكىن ەكەنىن ءبىلدىردى. ترامپتىڭ سوزىنشە، اقش مۇنداي ەسەپكە ۇزاق توزە المايدى.

ءمادي بەكماعانبەت

ازات ەۋروپا / ازاتتىق راديوسى