بۇۇ-دا جاڭا باس حاتشى!
kerey.kz
كەشە بىرىككەن ۇلتتار ۇيىمىنىڭ باس اسسامبلەياسىندا پورتۋگاليانىڭ بۇرىنعى پرەمەر-ءمينيسترى انتونيۋ گۋتەرريش ءبىر اۋىزدان بۇۇ باس حاتشىسى بولىپ سايلاندى. مۇنىڭ الدىندا ونىڭ كانديداتۋراسى قاۋىپسىزدىك كەڭەسىندە ماقۇلدانعان ەكەن. ول قىزمەتىنە 2017 جىلعى 1-قاڭتاردان كىرىسەتىن بولادى.
گۋتتەريش بۇۇ-دا ۇزاق ۋاقىت بوسقىندار ءىسى جونىندەگى كوميسسار قىزمەتىن اتقارعان. بوسقىندىق ۇلعايعان سوڭعى جىلداردا ول «جالپىعا ورتاق ادام قۇقىقتارىنىڭ دەكلاراتسياسى» نەگىزىندە بوسقىندار قۇقىعىن قورعاۋ، ولارعا باسپانا بەرۋ ماسەلەلەرى بويىنشا ۇلكەن جۇمىلدىرۋشىلىق ءرول اتقاردى. ءوز باسىم ۇنەمى ادامي قۇندىلىقتاردى باسشىلىققا الىپ جۇرگەن قايراتكەردىڭ پلانەتارلىق قىزمەتكە تاعايىندالۋىن قۇپتادىم. بالكىم، ەندى ادامزاتتىق قۇندىلىقتاردى اسپەتتەۋ جولىمەن جاھاندىق پروبلەمالار ازايار دەپ ۇمىتتەنەمىن.
پىكىر قالدىرۋ