ەۋروپا عارىش اگەنتتىگىنىڭ (ESA) مالىمەتىنە قاراعاندا، مارستا تىرشىلىك بەلگىلەرىن ىزدەۋ ميسسياسمەن ۇشىرىلعان “سكياپارەللي” ءمودۋلى مارس بەتىنە قوندا. “سكياپارەللي” ءمودۋلى – روسكوسموس پەن ESA بىرلەسە جاساعان جوبانىڭ ءبىر بولىگى سانالادى. قازىر گەرمانيانىڭ دارمشتادت قالاسىنداعى عارىشتىق باسقارۋ ورتالىعىندا عالىمدار زوندتىڭ مارسقا ءساتتى جانە قاۋىپسىز قونعانىن راستايتىن سيگنال كۇتىپ وتىر.

ديسك تارىزدەس مودۋل وربيتالىق Trace Gas اپپاراتىنان 17 قازاندا اجىراعان. ەگەر بارلىعى جوسپارداعىداي ورىندالسا، وندا 577 كيلوگرام بولاتىن “سكياپارەلليدىڭ” باتارەيالارى ءمودۋلدىڭ بىرنەشە كۇن مارس تۋرالى اقپارات جيناپ، ونى جەرگە جىبەرۋىنە مۇمكىندىك بەرەدى. مودۋل 1,5 سەكۋندتا مارستىڭ بەتىنەن 15 اق-قارا ءتۇستى سۋرەت تۇسىرە الاتىن كامەرامەن جابدىقتالعان.

19 قازاندا Trace Gas مارس وربيتاسىنا ءساتتى شىققانى جانە عالامشاردىڭ اتموسفەراسى تۋرالى مالىمەتتەردى ترانسلياتسيالاي الاتىنى تۋرالى سيگنال جىبەرگەن. مودۋل بيىل ناۋرىزدا بايقوڭىر عارىش ايلاعىنان ۇشىرىلعان.

ازات ەۋروپا / ازاتتىق راديوسى