قازاقستان ۇلتتىق بانكىنىڭ توراعاسى دانيار اقىشەۆ بۇگىن استانادا پرەزيدەنت نۇرسۇلتان نازارباەۆ بەينەلەنگەن قۇنى ون مىڭ تەڭگەلىك بانكنوتتى تانىستىردى. رەسمي باق-تىڭ حابارلاۋىنشا، بۇل بانكنوت قازاقستان تاۋەلسىزدىگىنىڭ 25 جىلدىعىنا ارناپ شىعارىلعان.

بانكنوتتى تانىستىرۋ ۇلتتىق بانكتىڭ بەيبىتشىلىك جانە كەلىسىم سارايندا وتكەن “قازاقستان تاۋەلسىزدىگىنىڭ 25 جىلدىعى: ۇلتتىق ۆاليۋتا” دەپ اتالاتىن كونفەرەنتسياسىندا تانىستىرىلدى. جيىندا سونىمەن قاتار تاۋەلسىزدىكتىڭ 25 جىلدىعىنا ارنالعان مونەتانى دا تانىستىرعان.

قازاقستان ۇلتتىق ۆاليۋتاسى – تەڭگە اينالىمعا 1993 جىلى 15 قاراشادا ەنگىزىلگەن. ول كەزدە دوللار باعامى 4,75 تەڭگە بولعان. ودان ءبىر جارىم ايدان سوڭ تەڭگەنىڭ دوللارعا شاققانداعى باعامى 10 ەسەگە قۇلدىرادى. 23 جىلدا تەڭگە بىرنەشە رەت ءبىر ساتتە دەۆالۆاتسياعا ۇشىراپ، ونداعان ەسەگە قۇلدىرادى. 1993 جىلى شىققان بانكنوتتاردا ابىلاي حان، اباي، قۇرمانعازى مەن باسقا دا تاريحي تۇلعالاردىڭ بەينەلەرى باسىلعان ەدى. 2000 جىلدان باستاپ جاڭا ديزاينمەن شىققان بانكنوتتاردا ادام بەينەسى باسىلماعان.

قازاقستان قور بيرجاسىندا بۇگىن تاڭەرتەڭگىلىك ساۋدادا دوللاردىڭ ورتاشا باعامى 344 تەڭگە 80 تيىندى قۇرادى.

ازات ەۋروپا / ازاتتىق راديوسى