نۇرسۇلتان نازارباەۆ مەملەكەتتىك بۇقارالىق اقپارات قۇرالدارىنىڭ باسشىلارىمەن كەزدەستى
kerey.kz
كەزدەسۋگە پرەزيدەنت اكىمشىلىگىنىڭ، اقپارات جانە كوممۋنيكاتسيالار مينيسترلىگىنىڭ جانە باسقا دا مەملەكەتتىك ورگانداردىڭ باسشىلارى قاتىستى-دەپ حابارلايدى اقوردا باسپا ءسوز قىزمەتى.
ءىس-شارا بارىسىندا ەلىمىزدەگى مەملەكەتتىك بۇقارالىق اقپارات قۇرالدارىنىڭ جەتەكشىلەرى مەملەكەت باسشىسىنا وزدەرى باسشىلىق ەتەتىن ۇيىمنىڭ قىزمەتى تۋرالى ەسەپ بەردى.
سونىمەن بىرگە قازاقستان پرەزيدەنتى مەملەكەتتىك باق-تىڭ جەتىستىكتەرىمەن جانە ولاردىڭ الداعى دامۋ جوسپارلارىمەن تانىستى. ەلباسى جاستاردى ادامگەرشىلىككە تاربيەلەۋگە سەپتىگىن تيگىزەتىن ساپالى وتاندىق مەدياكونتەنت ازىرلەۋدىڭ ماڭىزدىلىعىن اتاپ ءوتتى.
– مەملەكەتتىك باق مەديا سالاسى نارىعىنان ءوز ورنىن الۋ ءۇشىن جۇمىس جۇرگىزۋگە ءتيىس. مەيلىنشە تارتىمدى، سونىڭ ىشىندە الەمدىك مادەنيەت پەن تاريح تۋرالى اقپاراتتىق كونتەنتتىڭ كوبىرەك بولعانى ءجون، – دەدى نۇرسۇلتان نازارباەۆ.
وتاندىق باق جەتەكشىلەرى مەملەكەت باسشىسىنا قازاقستاننىڭ اقپارات الەمىندەگى قازىرگى احۋال جانە ونىڭ دامۋ پەرسپەكتيۆالارى تۋرالى باياندادى.
سوڭىندا ەلباسى باسەكەگە قابىلەتتى مەملەكەتتىك بۇقارالىق اقپارات قۇرالدارىن قالىپتاستىرۋ قاجەتتىگىن اتاپ ءوتىپ، بىرقاتار ناقتى تاپسىرما بەردى.
پىكىر قالدىرۋ