ۋكراينا قىرىمعا جاقىن ايماقتا زىمىران سىناعىن وتكىزىپ جاتىر
kerey.kz
ۋكراينا اسكەريلەرىنىڭ سىناق ءۇشىن اتىپ جاتقان زىمىراندارى. حەرسون وبلىسى، 1 جەلتوقسان 2016 جىل.
ۋكراينا قارا تەڭىزدە ەكى كۇندىك زىمىران سىناعىن باستادى. سىناق رەسەي كەز-كەلگەن زىمىراندى اتىپ تۇسىرەتىنىن ەسكەرتىپ، قىرىمداعى اۋە-قورعانىسى كۇشتەرىن جوعارى دايىندىققا كەلتىرگەنىنە قاراماستان باستالىپ وتىر.
ۋكراينا قورعانىس جانە قاۋىپسىزدىك كەڭەسى حەرسون وبلىسىنان اتىلىپ جاتىر دەگەن زىمىراندارىنىڭ ۆيدەوسىن تاراتتى. حەرسون – قىرىمنىڭ اكىمشىلىك شەكاراسىنا جاقىن ورنالاسقان وبلىس.
“كيەۆ پەن بۇكىل ۋكراينانىڭ اۋە قورعانىسى جۇيەسىن قۇرۋ – ءبىزدىڭ مىندەتىمىز جانە ءبىزدى ەشكىم توقتاتا المايدى” دەدى 1 جەلتوقساندا ۋكراينا پرەزيدەنتى پەتر پوروشەنكو.
اسكەريلەر وكىلى ۆلاديمير كرىجانوۆسكي جاتتىعۋ قىرىم اۋە كەڭىستىگىنەن كەم دەگەندە 30 كيلومەتر قاشىقتىقتا ءوتىپ جاتقانىن حابارلادى. ول سىناق حالىقارالىق زاڭدارعا ساي ءوتىپ جاتقانىن ايتىپ، ۋكراينا اسكەريلەرى “بارلىق جاعدايعا دايىن ەكەنىن” جەتكىزدى.
ال “ريا-نوۆوستي” اگەنتتىگىنىڭ قىرىمداعى اسكەري دەرەككوزدەرىنە سىلتەمە جاساپ حابارلاۋىنشا، بۇل تۇستا رەسەيدىڭ قارا تەڭىز فلوتىنىڭ اسكەري كەمەلەرى تۇبەكتىڭ اۋە كەڭىستىگىن كۇشەيتۋگە كومەكتەسۋ ءۇشىن قىرىمنىڭ باتىس جاعالاۋلارىنا قاراي ورنالاستىرىلعان. رەسەي سونىمەن قاتار سىناق قارساڭىندا كەز-كەلگەن زىمىراندى اتىپ تۇسىرەتىنىن ەسكەرتكەن.
رەسەي قارا تەڭىز اسكەري فلوتى ورنالاسقان قىرىمدى 2014 جىلى ناۋرىزدا زاڭسىز اننەكسيالاپ العان.
بيىل قىركۇيەكتە رەسەي وڭتۇستىك شەكاراسى بويىندا، ونىڭ ىشىندە قىرىمدا العاش رەت اسكەري جاتتىعۋلار وتكىزگەن.
ازات ەۋروپا / ازاتتىق راديوسى
پىكىر قالدىرۋ