ءماجىلىس تىنىكەەۆتى وكىلەتىنەن ايىرۋدى قولدادى
kerey.kz
مۇحتار تىنىكەەۆ، پارلامەنت ءماجىلىسىنىڭ وكىلەتىنەن ايىرىلعان دەپۋتاتى.
پارلامەنت ءماجىلىسىنىڭ دەپۋتاتتارى بۇگىن دەپۋتات مۇحتار تىنىكەەۆتى وكىلەتىنەن ايىرۋدى قولداپ داۋىس بەردى دەپ حابارلايدى ازاتتىق ءتىلشىسى. تىنىكەەۆتى وكىلەتىنەن ايىرۋ تۋرالى ۇسىنىستى ماجىلىسكە ورتالىق سايلاۋ كوميسسياسى (وسك) ۇسىنعان.
وسك توراعاسىنىڭ مىندەتىن اتقارۋشى ۆلاديمير فووستىڭ قاۋلىسىن وسك مۇشەسى وقىپ بەردى. وندا وسك كونستيتۋتسيانىڭ 52-بابىنىڭ 5-تارماعى مەن 24-بابى جانە “پارلامەنت جانە ونىڭ دەپۋتاتتارىنىڭ مارتەبەسى تۋرالى” زاڭى بويىنشا تىنىكەەۆتى وكىلەتىنەن ايىرۋ ۇسىنىلعان.
پارلامەنت ءماجىلىسى كەشە ءماجىلىستىڭ دەپۋتاتتىق ەتيكا كەڭەسى تىنىكەەۆتىڭ ءوزىن وكىلەتىنەن ايىرۋ تۋرالى ءوتىنىشىن قاراپ، ونىمەن كەلىسكەنىن حابارلاعان. تىنىكەەۆتىڭ ءوزىن وكىلەتىنەن ايىرۋ تۋرالى وسك-گە دە رەسمي تۇردە ءوتىنىش تۇسىرگەنى حابارلانعان.
مۇحتار تىنىكەەۆ وتىنىشىندە “جۋىقتا الەۋمەتتىك جەلى ارقىلى تاراعان ۆيدەوداعى ارەكەتىنە وكىنەتىنىن” ايتقان.
دەپۋتات مۇحتار تىنىكەەۆتىڭ قاراعاندى وبلىستىق ءماسليحاتىنىڭ بۇرىنعى دەپۋتاتى نيكولاي پولەۆويدى ۇرىپ بالاعاتتاعان ۆيدەوسى، پولەۆويدىڭ ء“سىز مەنى دەپۋتات ەتتىڭىز” دەگەن ءسوزى الەۋمەتتىك جەلىدە ءجيى تالقىلانعان تاقىرىپتاردىڭ ءبىرى بولعان.
تاياۋدا ينتەرنەتتە تاراعان داۋلى ۆيدەوعا قاتىستى باق-قا جاۋاپ بەرگەن مۇحتار تىنىكەەۆ مۇنى “ەكى جىل بۇرىنعى قالجىڭ” دەسە، نيكولاي پولەۆوي “بالا كەزدەن بەرگى دوسى تىنىكەەۆپەن ەكەۋىنىڭ اراسىنداعى جەكە ماسەلە” دەپ تۇسىندىرگەن.
ازات ەۋروپا / ازاتتىق راديوسى
پىكىر قالدىرۋ