اقش ورتالىق بارلاۋ باسقارماسىنىڭ (تسرۋ) بۇرىنعى ديرەكتورى دجون برەننان بۇعان دەيىن اقش پرەزيدەنتى دونالد ترامپتىڭ وسىنىڭ الدىندا تسرۋ شتاب-پاتەرىنە بارعاندا سويلەگەن ءسوزىن قاتتى سىنعا العان. بۇرىنعى تسرۋ باسشىسىنىڭ ەكس-كومەكشىسى نيك شاپيرو جاريالاعان مالىمدەمەدە، ماسەلەن، ترامپتىڭ ءسوزى “قۇنسىز” شىقتى ءارى پرەزيدەنت تسرۋ باتىرلارى مەموريالدىق قابىرعاسى الدىنا تۇرىپ الىپ، ءوز-ءوزىن دارىپتەۋمەن بولدى دەلىنگەن. برەنناننىڭ سوزىنشە، ترامپ ءوز ايتقانى ءۇشىن ۇيالۋى كەرەك.

اقش پرەزيدەنتى دونالد ترامپ سەنبى، قاڭتاردىڭ 21 كۇنى ۆيردجينيا شتاتىنداعى لەنگليدە ورنالاسقان تسرۋ-ءدىڭ شتاب-پاتەرىنە بارعان. ول بارلاۋ مەكەمەسى قىزمەتكەرلەرىنە قولداۋ تانىتىپ، قولعابىسىن تيگىزەتىنى تۋرالى ۋادە بەرگەن. بۇعان دەيىن ترامپ ءوزى تۋرالى «ماسكەۋدىڭ كومپرومات جيناعانى» جايلى جالعان اقپاراتتىڭ تاراۋىنا جول بەردى دەپ تسرۋ-دى ايىپتاعان.

بىراق قاڭتاردىڭ 21-ءى كۇنى ول تسرۋ قىزمەتكەرلەرىنە ماقتاۋ مەن ماداق ايتىپ، ولاردىڭ جۇمىسىن تولىق قولدايتىنى تۋرالى مالىمدەگەن.

ترامپتىڭ سوزىنشە، ول بۇقارالىق اقپارات قۇرالدارىمەن “كۇرەسىن” جالعاستىرىپ جاتىر. ونىڭ پىكىرىنشە، جۋرناليستەر “جەر بەتىندەگى ادام بالاسىنىڭ ەڭ ابىرويسىزىنا” جاتادى.

ازات ەۋروپا / ازاتتىق راديوسى