مەملەكەت باسشىسى ۇلتتىق بانكتىڭ توراعاسىنىڭ ءسوزىن سويلەدى، – دەپ حابارلايدى Tengrinews.kz تىلشىسى قر ۇكىمەت ۇيىنەن.

مەملەكەت باسشىسىنىڭ قاتىسۋىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا ۇلتتىق بانك باسشىسى قارجى مەكەمەسىنىڭ جۇمىسى تۋرالى ەسەپ بەردى. باياندامادان كەيىن پرەزيدەنت مينيسترلەر كابينەتىنىڭ مۇشەلەرىنە اقىشەۆتى قورعاپ سويلەدى.

“مەنىڭ ويىمشا، ۇلتتىق بانك وتكەن جىلى اۋىر بولعانىنا قاراماستان، جاقسى جۇمىس ىستەدى. مەن قازىر بانكتىڭ مۇمكىندىگىن زاڭدى دەڭگەيدە كۇشەيتۋ ءۇشىن تاپسىرما بەردىم. وسىنداي قۇقىق بەرۋ كەرەك. ۇلتتىق بانكتىڭ ىسىنە ارالاسۋ ەلىمىزدىڭ قارجى جۇيەسىنە ارالاسۋ دەپ ساناپ، جازالاۋ كەرەك. مەنىڭ بايقاۋىمشا، ۇلتتىق بانك ءتارتىپ ورناتقان سايىن، ۇلتتىق بانك توراعاسىنا شابۋىلدار دا كوبەيىپ كەتكەن”، – دەدى نۇرسۇلتان نازارباەۆ.

مەملەكەت باسشىسى قازىرگى ۋاقىتتا ۇلتتىق بانك توراعاسىن ءجۇز پايىز قولدايتىنىن ايتتى. “مۇنى اكتسيونەرلەر مەن دەمەۋشىلەر جاسايدى، ولار وسى جەردە وتىر. ەشكىمنەن قورىقپا، ەشكىمنەن”، – دەدى نازارباەۆ ۇلتتىق بانك توراعاسىنا.

“مىنا گازەتتەر، جۋرناليستەر، ولاردىڭ يەلەرى كىنالى – ءبىز ءتارتىپ ورناتۋعا كەدەرگى كەلتىرىپ جاتقان سول يەلەرگە قاتىستى شارا قولداناتىن بولامىز”، – دەدى پرەزيدەنت.

“ەگەر بىرەۋ ارالاسىپ، ءتيىسىپ جاتسا ماعان تەگىن ايت”، – دەدى نۇرسۇلتان نازارباەۆ.

ەسكە سالايىق، 25 قاڭتاردا قازاقستان پرەزيدەنتى قازاقستاندىقتارعا ارنايى ۇندەۋ جاساعان بولاتىن. پرەزيدەنتتىڭ بيلىك تارماقتارىن ۇلەستىرۋ ماسەلەلەرى بويىنشا ۇندەۋى تەلەارنالار ەفيرىندە تاراتىلدى. كەيىنىرەك پرەزيدەنتتىڭ قازاقستان حالقىنا جولداۋىنىڭ ءماتىنى جاريا بولعان ەدى. جولداۋدا نازارباەۆ ۇكىمەتتىڭ ءبىر ورىندى شيىرلاي بەرۋدى دوعارۋىن، سونداي-اق، ۇكىمەت پەن ۇلتتىق قاۋىپسىزدىك كوميتەتىنە “قازاقستان كيبەرقالقانى” جۇيەسىن قالىپتاستىرۋ شارالارىن قابىلداۋدى تاپسىرعان ەدى.

Kaz.tengrinews.kz