مەملەكەتتىك حاتشىسى گۇلشارا ابدىقالىقوۆا اباي قۇنانبايۇلىنىڭ 170 جىلدىق مەرەيتويىنا ارنالعان مەرەكەلىك ءىس-شارالارعا قاتىستى
قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆا شىعىس قازاقستان وبلىسىنا جۇمىس ساپارى اياسىندا اباي قۇنانبايۇلىنىڭ 170 جىلدىق مەرەيتويىنا ارنالعان مەرەكەلىك ءىس-شارالارعا قاتىستى-دەپ حابارلايدى اقوردا باسپا ءسوز قىزمەتى. اباي اتىنداعى تەاترعا بارعان مەملەكەتتىك حاتشى «ادامزاتتىڭ ابايى» اتتى سالتاناتتى ءىس-شاراعا قاتىستى، ءىس-شارا سوڭىنان مەرەكەلىك كونتسەرت ۇيىمداستىرىلدى. ساياسي جانە قوعام قايراتكەرلەرى، بەلگىلى اقىن-جازۋشىلار، ابايتانۋشى عالىمدار، ۇلى ويشىل تۋىندىلارىنىڭ اۋدارماشىلارى مەرەكەنىڭ قۇرمەتتى قوناقتارى بولدى. مەملەكەتتىك حاتشى «جۇلدىز-ارداق» جەكە مەنشىك بالاباقشاسىنىڭ جۇمىسىمەن تانىستى، وندا 350 بالا زاماناۋي يننوۆاتسيالىق ادىسپەن تاربيەلەنۋدە. گ.ابدىقالىقوۆا اباي شىعارمالارىنىڭ جەلىسى بويىنشا سالىنعان سۋرەتتەردى، سونداي-اق «قارا سوزدەردى» مانەرلەپ وقيتىن بالالاردىڭ كونتسەرتىن كوردى. ەلدەگى ءىرى مەديتسينالىق راديولوگيالىق كلاستەر قۇرامىنا كىرگەن «وڭىرلىك ونكولوگيالىق ديسپانسەرى» يادرولىق مەديتسينا ورتالىعىندا بولعان كەزىندە گۇلشارا ابدىقالىقوۆاعا سۋ جاڭا مەديتسينالىق قۇرال-جابدىقتار
