قازاقستاندى المانىڭ ارعى وتانى اتايدى
اننا كلەۆتسوۆا الماتى تەمىرجول ۆوكزالىندا ساتىلاتىن المالار. 2 قازان 2014 جىل. باتىس ءباسپاسوزى قازاقستاننىڭ ەكونوميكالىق ءوسىمى، كوشپەندى حالىقتار اراسىندا كەڭ تاراعان كوكپار ويىنى جايلى جانە تيان-شان تاۋى باۋرايىندا وسەتىن المانىڭ شىعۋ تەگىن قازىرگى قازاقستانمەن بايلانىستىراتىن زەرتتەۋگە قاتىستى كوممەنتاري جازعان. ستاتيستيكا جانە شيكىزاتقا سۇيەنگەن ەكونوميكا امەريكالىق Stratfor ساراپتاما ورتالىعىنىڭ سايتى جۋرناليست چارلز ۆان دەر لەەۋۆتىڭ «قازاقستان: ەكونوميكالىق دامۋعا قاتىستى بولجام مەن ناقتى جاعداي» دەگەن ماقالاسىن جاريالاعان. ماقالادا ەلدىڭ ۇلتتىق ستاتيستيكالىق اگەنتتىگى دەرەگىنشە، ورتالىق ازياداعى ەڭ ءىرى ەل – قازاقستاننىڭ ەكونوميكاسى بيىل العاشقى جارتى جىلدا 4,2 پايىزعا ءوستى دەپ كورسەتىلگەن. سالىستىرساق، بيىلعى ءبىرىنشى توقساندا ءوسىم 3,6 پايىزدى، ال 2016 جىلدىڭ العاشقى جارتى جىلىندا بار-جوعى 0,1 پايىزدى قۇراعان بولاتىن. بۇل دەرەكتەر حالىقارالىق ەكونوميكالىق ۇيىمداردىڭ بولجامدارىنا
