«انتيگەپتيل» بيلىك ورگاندارىن سوتقا بەرۋى مۇمكىن
«شىندىق ەكسپەديتسياسىن» ۇيىمداستىرۋشىلار استانادا پرەزيدەنتكە، ۇكىمەت جانە پارلامەنت باسشىلارىنا ارنايى حات جولداپ، بىرنەشە تالاپ قويدى. «شىن ءسوز» دەپ اتالعان حاتقا 14 قوعامدىق ۇيىم، 211 جەكە تۇلعا قول قويعان. شىندىق ىزدەۋشىلەر ءوز حاتتارىندا ءبىراز شىندىقتىڭ بەتىن اشقانىن ايتا كەلە، «قازاقستان اۋماعىندا وسى جىلدىڭ 10 مامىرىنان باستاپ 134 مىڭ كيىك قىرىلدى دەگەن رەسمي اقپارات تاراتىلعان ەدى، الايدا قىرىلعان كيىكتەردىڭ ناقتى سانى 150 مىڭنان اسادى. قر ينۆەستيتسيالار جانە دامۋ مينيسترلىگىنىڭ اەروعارىش كوميتەتىجانە وعان قاراستى «عارىش-ەكولوگيا» مەكەمەسى باسشىلارى قوستاناي جانە اقتوبە وبلىستارىنا پروتون زىمىرانىنىڭ بولشەكتەرى قۇلامايدى دەپ مالىمدەگەن بولاتىن، شىندىعىندا، سوڭعى بەس جىلدا قوستاناي وبلىسىنىڭ امانگەلدى، جانگەلدين اۋداندارىنىڭ، اقتوبە وبلىسىنىڭ ىرعىز اۋدانىنىڭ اۋماعىنا پروتون زىمىرانىنىڭ بولىكتەرى ۇدايى قۇلايتىنى دالەلدەندى» دەپ جازعان. سونىمەن بىرگە ەكسپەديتسيا
