قازاقستان يوردانياعا اسكەري تەحنيكا جەتكىزبەك
قر قورعانىس ءمينيسترى يمانعالي تاسماعامبەتوۆ يوردانياعا رەسمي ساپارمەن باردى. ونىڭ شەڭبەرىندە يوردانيا مەملەكەتىنىڭ جانە قورعانىس ۆەدومستۆوسىنىڭ باسشىلارىمەن رەسمي كەزدەسۋلەر ءوتتى. كەزدەسۋدە اسكەري جانە اسكەري-تەحنيكالىق ىنتىماقتاستىق اياسىنداعى ماسەلەلەر تالقىلانىپ، ءوزارا ءىس-قيمىل پەرسپەكتيۆالارى بەلگىلەندى. ساپاردىڭ باستى ماقساتى اسكەري جانە اسكەري-تەحنيكالىق ىنتىماقتاستىق تۋرالى قازاقستان رەسپۋبليكاسى مەن يوردانيالىق حاشيميت پاتشالىعىنىڭ ۇكىمەتى اراسىندا كەلىسىمگە قول قويۋ بولدى. بەكىتىلگەن قۇقىقتىق نەگىز ەكى ەلدىڭ قارۋلى كۇشتەرى مەن قورعانىس ونەركاسىبى اراسىنداعى ىنتىماقتاستىقتى دامىتۋعا ىقپال ەتەدى. ساپار بارىسىندا وتكەن جىلدىڭ سوڭىندا ەلباسى استانادا اشقان «كازاحستان پاراماۋنت ينجينيرينگ» كومپانياسى زاۋىتىنىڭ ءونىمى – «ارلان» قازاقستاندىق بروندالعان دوڭگەلەكتى ماشينالاردى ساتىپ الۋ جونىندەگى ۋاعدالاستىققا قول جەتكىزىلدى. سونىمەن قاتار تۇنگى كورۋ اسپاپتارىنىڭ وپك-وپتيكالىق اسپاپتارى مەن كوزدەۋىشتەر، 12,7 كاليبرلى نسۆس وقشاشارلارى جانە ولاردىڭ قولدانىلۋىمەن جاۋىنگەرلىك
