رەسەيدىڭ عارىش پروبلەماسى جانە بايقوڭىر
اننا كلەۆتسوۆا “سويۋز” عارىش كەمەسىن ۇشىرۋ الاڭىنا اپارا جاتىر. بايقوڭىر، 25 ناۋرىز 2015 جىل. باتىس باسىلىمدارى رەسەيدىڭ عارىش باعدارلاماسىن دامىتۋ قيىندىقتارى جايلى كوممەنتاريلەر جاريالادى. ال قازاقستان پرەزيدەنتى نۇرسۇلتان نازارباەۆ بايقوڭىرداعى ەكولوگيالىق قاۋىپسىزدىك ماسەلەسىن قوزعاعان. رەسەيدىڭ عارىش سالاسىنداعى قيىندىقتارى اقش-تىڭ ۆاشينگتون شتاتىنىڭ Columbian گازەتى “العاشقى سپۋتنيكتەن كەيىنگى 60 جىلدان سوڭ رەسەيدىڭ عارىش باعدارلاماسى قيىندىقتارعا تاپ بولىپ جاتىر” دەگەن ماقالاسىندا رەسەيدىڭ عارىشتىق زەرتتەۋلەر سالاسىنداعى احۋالعا قاتىستى كوممەنتاري بەرگەن. “رەسەيدىڭ عارىش باعدارلاماسى 60 جىلدان كەيىن دە العاشقى جاساندى سپۋتنيكتى وربيتاعا شىعارعان زىمىراننىڭ جەتىلدىرىلگەن نۇسقاسىنا سۇيەنىپ وتىر. بۇل – ەلدىڭ تەحنولوگيالىق شەبەرلىگىنە دەگەن قۇرمەتى عانا ەمەس، ءوز جەتىستىكتەرىن ارى قاراي دامىتا الماۋىنىڭ دا بەلگىسى” دەپ جازعان Columbian. گازەت عارىشتى يگەرۋ – اقش پەن سسسر اراسىنداعى باسەكەلەستىكتىڭ
