بالۋان جاكو
قۇرمەتتى رەداكتسيا! سىزدەرگە اڭگىمە جولداپ وتىرمىن،تالاپ دەڭگەيىنەن شىقسا، جاريالاساڭىزدار ەكەن دەگەن تىلەكپەن: قۇرمەتتى قۇماربەك قاليەۆ شىعىسقازاقستان وبلىسى كۇرشىم اۋدانى بالۋان جاكو تاڭەرتەڭ اۋىل شەتىندەگى مەنشىك تابىن جينالاتىن تاقىردا بۇگىن دە ايقاي-شۋ ەكەن. ارىق الاسا تورىنىڭ بەلىن مايىستىرىپ مىنگەن يىقتى سيىرشى، ات ۇستىندە ءوزىنىڭ ۇزىن بويىن جاسىرعانداي مىقشيا ءتۇسىپ، سيىر قوسۋشىلارعا الدەنەنى ايعايلاي ءتۇسىندىرىپ جاتىر. ەكى-ءۇش ورىس ايەلى قولدارىنداعى شىبىقتارىن بەزەپ داۋ ايتۋدا. ەكى جاقتىڭ دا ءبىرىن-ءبىرى تىڭداپ جاتقانى شامالى. – وسى دۇلەيدەن باسقا سيىرشى قۇرىپ قالعانداي… – ون جە گلۋحوي، منە كاجەتسيا، ي پو-سۆوەمۋ نە وچەن-تو پونيماەت… – ۋج، نە پونيماەت، پروستو پريكيدىۆاەتسيا – دەپ تاراي باستادى. ارىق تورىنى بۇيىرىنەن ەمەس، ۇزىن سيراقتىڭ كەرزى ەتىكتى وكشەسىمەن ىشىنەن تەبىنىپ سيىرشى
