قازاقستاندىق مۋلتيميلليونەر تۋعان اۋىلىنا تەگىن قىمىز تاراتىپ، ىشىمدىك ساۋداسىن توقتاتتى
قازاقستاندىق مۋلتيميلليونەر باۋىرجان وسپانوۆ تۋعان جەرى – الماتى وبلىسى، الاكول اۋدانى، جىلاندى اۋىلىنىڭ تۇرعىندارىنا تەگىن قىمىز تاراتىپ، ىشىمدىك ساۋداسىن توقتاتتى دەپ حابارلايدى matritca.kz سايتىنا سىلتەمە جاساعان Businessnews.kz. كاسىپكەردىڭ مۇنداي قايىرىمدىلىق ىسپەن اينالىسۋىنا ونىڭ سالاۋاتتى ءومىر ءسۇرۋ سالتىن ناسيحاتتاۋعا، جاستاردى سپورتقا باۋلۋعا دەگەن قۇلشىنىسى سەبەپ بولعان. سونىمەن قاتار ول قازاقتىڭ ۇلتتىق سۋسىنىن تانىمال برەندكە اينالدىرۋعا نيەتتى. وسى ماقساتتا جىلاندى اۋىلىندا قاتارىنان 20 قۇلىندى بيە ساۋىلىپ جاتقان كورىنەدى. سونداي-اق قىمىزدان باسقا دا ءسۇت ونىمدەرى دايىندالىپ، ولاردا تەگىن تاراتىلۋدا. ول جەردە جۇمىس ىستەپ جاتقان ساۋىنشىلار مەن جۇمىسشىلارعا باۋىرجان وسپانوۆ ءوز قالتاسىنان ەڭبەكاقى تولەپ وتىر. ەستەرىڭىزگە سالا كەتەيىك، «فوربس» جۋرنالىنىڭ ءتىزىمى بويىنشا باۋىرجان وسپانوۆ قازاقستانداعى ەڭ باي 50 بيزنەسمەننىڭ قاتارىنا كىرەدى. 2015 جىلى ونىڭ
