“بولاشاق” باعدارلاماسىنا ءتۇسۋ شارتى قيىندايدى
“بولاشاق” باعدارلاماسىنىڭ ەمبلەماسى. 2016 جىلدان باستاپ “بولاشاق” پرەزيدەنت cتيپەندياسىن يەلەنۋ شارتتارى وزگەرەدى. بۇل تۋرالى ءبىلىم جانە عىلىم مينيسترلىگى حالىقارالىق باعدارلامالار ورتالىعى باسشىسى عاني نىعمەتوۆ استانادا وتكەن بريفينگتە مالىمدەدى. ونىڭ ايتۋىنشا، 2016 جىلدان باستاپ “بولاشاق” ستيپەندياسىنا ۇمىتكەرلەردىڭ بارلىق ساناتتارى ءۇشىن قاجەتتى جۇمىس ءوتىلى ەكى جىلعا دەيىن ارتتىرىلادى. بۇعان قوسا، 2016 جىلدان باستاپ “بولاشاق” ستيپەندياسىنا تاپسىراتىندار اعىلشىن تىلىنەن IELTS سىناعى بويىنشا كەمىندە 5 بالل جيناۋلارى كەرەك. بۇعان دەيىن “بولاشاق” ستيپەندياسىنا IELTS جۇيەسى بويىنشا اعىلشىن ءتىلىن ءبىلۋ دەڭگەيى كەمىندە 4 بالل بولعان تالاپكەرلەر قۇجات تاپسىرىپ كەلگەن ەدى. قازاقستاندىقتار «بولاشاق» باعدارلاماسى بويىنشا 1993 جىلدان بەرى الەمدەگى 200-گە جۋىق ۋنيۆەرسيتەتتە ءبىلىم الادى. azattyq.org
