دارحان مىرزا ورنىندا وتىر!
28-قاڭتاردا ياعني بۇگىن دۋمان رامازان ءىنىمىزدىڭ «ەگەمەن قازاقستان» گازەتىنىڭ باسشىسى دارحان قىدىرالى تۋرالى جازعاندارىن وقىدىم. «وتتەرىڭ جارىلىپ كەتسە دە ايتايىن، ول دارحان قىدىرالىنىڭ قولىنان كەلمەيدى. تاعى دا قايتالاپ ايتامىن، ول ءۇشىن جۋرناليستيكانىڭ مايىن جىلىكتەپ ىشكەن كاسىبي مامان بولۋى كەرەك» دەگەن پىكىرلەرىنە بايلانىستى ءۇنسىز قالا الماي ءوز ويىمدى ورتاعا سالعاندى ءجون كوردىم. جارتى عاسىرعا جۋىق كاسىبي جۋرناليستيكامەن، ونىڭ ىشىندە شيرەك عاسىر باق باسشىلىعىندا كەلە جاتقان اعا بۋىن وكىلى رەتىندە پىكىر بىلدىرۋگە قۇقىم بار دەپ ويلايمىن. بىردەن ايتايىن، شىعارماشىلىعىن اسا قۇمەتتەيتىن جاقسى كورەتىن دۋمان ءىنىمنىڭ جاڭاعى پىكىرى ۇناعان جوق. دارحان قىدىرالى «ەگەمەن قازاقستانعا» گازەتتىڭ باس رەداكتورى ەتىپ جىبەرىلگەن جوق. ول گازەت مەنەدجمەنتىن جاقسارتۋ ءۇشىن «ەگەمەن» اكتسيونەرلىك قوعامىنا باسقارما توراعاسى ەتىپ جىبەرىلدى. باسىلىمنىڭ
