«ەردوعان ءدىني ريتوريكامەن كوپ قولداۋ تاپتى»
نۇرتاي لاحانۇلى تۇركيا پرەزيدەنتى رەجەپ تايىپ ەردوعان رەفەرەندۋمداعى جەڭىسىن تويلاعان جاقتاستارىنىڭ الدىندا تۇر. تۇركيا، ستامبۋل، 16 ءساۋىر 2017 جىل. پرەزيدەنت تايىپ ەردوعان بيلىگىن نىعايتۋعا قول جەتكىزگەن رەفەرەندۋم ناتيجەسى تۋرالى ازاتتىق ستامبۋلدا دوكتورانتۋرادا وقيتىن قازاقستاندىق مامانمەن سۇحباتتاستى. نۇرات ءىلياس: – تۇركيانىڭ ستامبۋل ۋنيۆەرسيتەتىندە «تۇركىتانۋ» ماماندىعى بويىنشا دوكتورانتۋرادا وقىپ جاتقان قازاقستاندىق زەرتتەۋشى. ستامبۋلدا 2013 جىلدان بەرى تۇرىپ كەلە جاتقان نۇرات ازاتتىققا تۇركيادا وتكەن پرەزيدەنتتىك باسقارۋ جۇيەسىنە كوشۋ بويىنشا كونستيتۋتسياعا وزگەرىس ەنگىزۋ رەفەرەندۋمىندا نە سەبەپتى ەردوعاندى جاقتاۋشىلار باسىم تۇسكەنى تۋرالى ويلارىن ايتتى. ازاتتىق: – جەكسەنبىدە تۇركيادا وتكەن پرەزيدەنت بيلىگىن نىعايتۋعا قاتىستى كونستيتۋتسيانى وزگەرتۋ تۋرالى رەفەرەندۋمدا قۇپتاۋشىلار نەگە باسىم ءتۇستى دەپ ويلايسىز؟ نۇرات ءىلياس: – مۇنىڭ وزىندىك سەبەبى بار. [پرەزيدەنت تايىپ] ەردوعان باسقارعان «ادىلەت جانە دامۋ» پارتياسىنىڭ
