ەرتە قارتايۋ اۋرۋىنا شالدىققان نۇرجان وركەشباەۆ ۇيلەنەدى
© Tengrinews.kz ەرتە قارتايۋ اۋرۋىنا شالدىققان اتىراۋلىق نۇرجان وركەشباەۆ جاقىندا ۇيلەنەدى. بۇل تۋرالى Tengrinews.kz سايتىنا ونىڭ ءوزى حابارلادى. ول ۇيلەنۋ تويى تۋرالى باسقا اقپارات ايتپادى. وركەشباەۆتىڭ ايتۋىنشا، جاقىن ارادا ول ۇيلەنۋ تويىنا بايلانىستى اتىراۋدا تىلشىلەردى جيناپ، ءباسپاسوز وتىرىسىن وتكىزەدى. سونىمەن قاتار، Facebook الەۋمەتتىك جەلىدە ۇيلەنۋ تويىنا شاقىرۋ بيلەتىنىڭ سۋرەتى جاريالاندى. نۇرجان وركەشباەۆتىڭ قالىڭدىعىنىڭ ەسىمى – اسەمگۇل. نەكە قيۋ ءراسىمى 2015 جىلدىڭ تامىزىندا بولادى. فوتو ©باگىتوۆ جاقسىلىق ەسكە سالا كەتەيىك، 2011 جىلدىڭ سوڭىندا نۇرجان بىرنەشە پلاستيكالىق وتا جاساتتى. وسىنىڭ ناتيجەسىندە ول ونداعان جىلعا جاساردى. ەرتە قارتايۋ اۋرۋىنا شالدىققان نۇرجان وركەشباەۆقا وتا جاساعان 30 جاستاعى حيرۋرگ بولات بايىروۆتىڭ ايتۋىنشا، نۇرجان قازاقستانداعى پروگەرياعا شالدىققان جالعىز ادام. كەيىن وركەشباەۆ اتىراۋداعى “نۇرسايا” ىقشاماۋدانىنان ءبىر بولمەلى پاتەر الدى.
